İrakli Kobaxidzenin Azərbaycana səfər proqramı açıqlanıb
Gürcüstanın Baş naziri İrakli Kobaxidze Azərbaycana səfəri çərçivəsində Azərbaycan Respublikasının Prezidenti İlham Əliyev və Baş Nazir Əli Əsədov ilə təkbətək görüşlər keçirəcək.
Bu barədə Gürcüstan hökuməti məlumat yayıb.
Bildirilib ki, iki ölkənin baş nazirlərinin rəhbərliyi ilə Gürcüstan-Azərbaycan İqtisadi Əməkdaşlıq üzrə Hökumətlərarası Komissiyasının 10-cu iclası keçiriləcək.
Qeyd olunub ki, Kobaxidze Baş nazirin birinci müavini, iqtisadiyyat və davamlı inkişaf naziri LevanDavitaşvili, xarici işlər naziri MakaBoçorişvili, ətraf mühitin mühafizəsi və kənd təsərrüfatı naziri DavitSonqulaşvili, mədəniyyət naziri TinatinRuxadze və hökumət administrasiyasının rəhbəri LevanJorjolianidən ibarət nümayəndə heyəti ilə Azərbaycanın paytaxtına səfər edib./APA







