Finlandiya və Ukraynadan önəmli əməkdaşlıq
Yenicə NATO-ya üzv seçilmiş Finlandiyanın Prezidenti Aleksadr Stubb Kiyevə səfər edib. Strateji.az "CNN Türk"ə istinadən xəbər verir ki, o Kiyevə səfəri zamanı Ukrayna Prezidenti Volodimir Zelenski ilə görüşüb.
Görüş zamanı tərəflər hərbi əməkdaşlığa dair müqavilə imzalayıb. Müqailəyə əsasən Finlandiya Ukraynaya 203 milyon dəyərində hərbi təyinatlı məhsullar göndərəcək.
Beləcə Finlandiya Ukrayna ilə hərbi ittifaqı imzalayan 8-ci ölkə oldu. Əməkdaşlıq müqaviləsi barədə Finlandiyanın Prezidenti mətbuata açıqlama verib.
"Finlandiya Ukrayna ilə təhlükəsizlik sazişi imzalayan dünyada səkkizinci ölkə oldu. Asan olduğunu demirəm. Danışıqlar həmişə çətin olur, amma məncə, mesaj aydındır. Finlandiya olaraq biz təkcə Ukrayna ilə qarşılıqlı təhlükəsizlik sazişinə deyil, həm də kriteriyalara cavab vermək şərti ilə Ukraynanın Aİ-yə və NATO-ya üzvlüyünə inanırıq." deyə Stubb bildirib.
Kiyevdəki görüşdən sonra Finlandiya prezident admistrasiyası da məlumat yayıb. Məlumatda bildirilir ki, Finlandiya ilə Ukrayna arasında 10 illik təhlükəsizlik əməkdaşlığı və uzunmüddətli dəstək müqaviləsinin imzalanıb. İki ölkə arasında imzalanan bu müqavilə siyasi dəstək, Ukraynanın müdafiəsinə dəstək, təhlükəsizlik, islahatlar və yenidənqurma kimi bir çox məsələləri əhatə edir.
//Nəzərbəy Hacıağayev, Strateji.az







