"Qarabağ" matça qara sarğı ilə çıxacaq - FOTO
Bir neçə gün öncə Dubayda vəfat edən "Qarabağ"ın fəxri prezidenti və sahibi Abdolbari Gözəlin xatirəsi klubun bu gün Avropa Liqasında FKSB-yə (Rumıniya) qarşı keçirəcəyi matçda bir dəqiqəlik sükutla yad ediləcək.
Bu barədə Ağdam təmsilçisinin Mətbuat Xidməti məlumat yayıb.
Bildirilib ki, futbolçular meydana qara sarğı ilə çıxacaqlar.
Qeyd edək ki, "Qarabağ" - FKSB matçı bu gün, saat 21:45-də Tofiq Bəhramov adına Respublika Stadionunda keçiriləcək.

//Milli.az







