"Zirə" növbəti qələbəsini qazandı-YENİLƏNİB-4
Azərbaycan Premyer Liqasının XX turu çərçivəsində keçirilən "Şamaxı"-"Zirə" oyunu başa çatdı. Gərgin keçən oyun 1:2 "Zirə"nin xeyrinə başa çatdı.
xxx
Oyunun 49-cu dəqiqəsində Salifu Suma "Zirə"nin ikinci topuna imza ataraq komandasını hesabda önə keçirdi-"Şamaxı"-"Zirə"-1:2
xxxx
"Zirə"-"Şamaxı" oyunun ilk hissəsi başa çatdı. İlk hissədən sonra tərəflər hərəyə bir dəfə fərqlənib-"Şamaxı"-"Zirə"-1:1
xxxx
Oyunun 45+2-ci dəqiqəsində Ruan Renato "Zirə"nin bərabərlik topuna imza atdı-"Şamaxı"-"Zirə"-1:1
xxxx
Bu gün futbol üzrə Azərbaycan Premyer Liqasında XX tura start verilib. PFL bu günə bir qarşılaşma təyin edib.
Günün açılış qarşılaşmasında "Şamaxı" "Şamaxı Şəhər Stadionu"nda "Zirə"ni qəbul edir. Meydan sahibləri bu oyunda ən azı məğlub olmamaq haqqında düşünür. "Mavi qartallar" isə matçdan üç xalla ayrılmağa çalışır. Hakim İnqilab Məmmədovun idarə etdiyi qarşılaşamda artıq oyunun 38-ci dəqiqəsində Brahim Konatenin qolu ilə "Şamaxı" hesabı açdı-"Şamaxı"-"Zirə"-1:0
Turun digər görüşləri Şənbə və Bazar günü keçiriləcək. Şənbə günü iki qarşılaşma baş tutacaq.
Turun açılış qarşılaşmasında "Səbail" "ASCO Arena"da qədim Gəncə təmsilçisi "Kəpəz"i qəbul edəcək. Həm "dənizçilər" həm də Nizami yurdunun təmsilçilər keçən tur qələbələrinin təsadüfü olmadığını sübut etmək üçün meydana çıxacaq.
Günün ikinci qarşılaşmasında "Sabah" "Bank Respublika Arena"da gənclik şəhər təmsilçisi "Sumqayıt"ı qəbul edəcək. "Bayquşlar" 2025-ci ildə ilk qələbəsini qazanmaq üçün meydana çıxacaq. "Kimyaçılar" keçən tur "Səbail"ə məğlubiyyətin əvəzini bu oyunda çıxmağa çalışacaq.
Turun digər görüşləri Bazar günü keçiriləcək. Bazar günü iki qarşılaşma baş tutacaq.
Bazar günü ilk olaraq "Araz-Naxçıvan" "Liv Bona Dea Arena" "Neftçi"ni qəbul edəcək. Həm muxtar respublika təmsilçisi həm də "ağ-qaralar" bu oyunda ilin ilk qələbəsini qazanmağa çalışacaq.
Günün və turun sonuncu qarşılaşmasında "Qarabağ" "Tofiq Bəhramov adına Respublika Stadionu"nda "Turan Tovuz"u qəbul edəcək. "Qarabağ" Avroliqadakı məğlubiyyətin hirsini tovuzlulardan çıxamağa çalışacaq. Qərb təmsilçisi də keçən tur "Kəpəz" məğlubiyyətini unutdurmaq üçün bu oyunda ən azı məğlub olmamaq haqqında düşünəcək.







