"Kəpəz" növbəti qələbəsini qazandı-YENİLƏNİB-4
Azərbaycan Premyer Liqasının XXIX turu çərçivəsində keçirilən "Araz-Naxçıvan"-"Kəpəz" oyunu başa çatdı. Gərgin keçən oyunda "Kəpəz" 1:2 qalib gəldi.
xxxx
Oyunun 62-ci dəqiqəsində Mate Kvirkiya "Kəpəz"in ikinci topuna imza ataraq komandasını hesabda irəli çıxartdı-"Araz-Naxçıvan"-"Kəpəz"-2:1
xxxx
Oyunun 54-cü dəqiqəsində "Kəpəz" Martins Juniorun qolu ilə hesabı bərabərləşdirdi-"Araz-Naxçıvan"-"Kəpəz"-1:1
xxxxx
"Araz-Naxçıvan"-"Kəpəz" oyununda tərəflər fasiləyə yollandı. İlk hissədən sonra "Araz-Naxçıvan" 1:0 hesabda irəlidədir.
xxxxx
Bu gün futbol üzrə Azərbaycan Premyer Liqasında XXIX tura start veriləcək. PFL bu günə bir qarşılaşma təyin edib.
Turun ilk günün ilk qarşılaşmasında "Liv Bona Dea Arena"da "Araz-Naxçıvan" qədim Gəncə təmsilçisi "Kəpəz"i qəbul edir. Muxtar Respublika təmsiçisi izləyicisi "Kəpəz"dən uzaqlaşmaq və "Turan Tovuz"a çatmaq üçün bu matçda üç xal qazanmağı hədəfləyir. Nizami yurdunun təmsilçisi də "Qəbələ"dən bir qədər aralanmaq "Araz-Naxçıvan" ilə xal fərqini azaltmaq üçün matça üç xal üçün çıxır. Hakim Fərid Hacıyevin idarə etdiyi qarşılaşmada artıq oyunun 16-cı dəqiqəsində "Araz-Naxçıvan" Miço Kuzmanoviçin qolu ilə hesabı açdı-"Araz-Naxçıvan"-"Kəpəz"-1:0
Turun digər görüşləri şənbə və bazar günü keçiriləcək.
Şənbə günü ilk olaraq "Turan Tovuz" "Tovuz Şəhər Stadionu"nda "Sabah"ı qəbul edəcək. Keçən tur "ASCO Arena"da qələbə qazana bilməyən meydan sahibləri özündən yuxarıda olan komandalara çatmaq üçün bu matçda üç xal qazanmağa çalıışacaq. Avrokuboklara vəsiqə qazanmaq istəyən "Sabah"dan matçdan üç xalla ayrılmağı düşünəcək.
Günün ikinci qarşılaşmasında "Qarabağ" "Tofiq Bəhramov adına Respublika Stadionu"nda "Səbail"i qəbul edəcək. "Qarabağ"ın əsas hədəfi mövsümün sonuna qədər oyun ritmini itirməmək üçün bu matçda növbəti qələbəni qazanmaqdır. "Dənizçilər" isə heç bir motivasiyası olmayan rəqiblərindən bu turda üç xal almağa çalışacaq.
Bazar günü daha iki qarşılaşma keçiriləcək.
Günün ilk qarşılaşmasında "Zirə" "Zirə İdman Kompleksinin Stadionu"nda "Qəbələ"ni qəbul edəcək. Azərbaycan Kubokunun yarımfinalında rəqibinə qalib gələn "mavi qartallar" bu oyunda doğma publika önünüdə qələbə qazanaraq yüksək yerlər uğrunda mübarizəni davam etdirməyi düşünür.
Günün və turun sonuncu oyunda isə "Neftçi" "Neftçi Arena"da gənclik şəhər təmsilçisi "Sumqayıt"ı qəbul edəcək. Azərbaycan Kubokundan əli üzülən, "Neftçi" ən azı ikinci pilləni qoruyub mövsümü gümüş medallarla bitirmək üçün bu matçdan üç xalla ayrılmağı düşünəcək. Gənclik şəhər təmsilçisi isə "Neftçi"nin mövqeyini ələ keçirmək üçün Bakıdan üç xalla ayrılmağı düşünəcək.
