"Səbail" növbəti qələbəsini qazandı-YENİLƏNİB-2
Azərbaycan Premyer Liqasının XX turu çərçivəsində keçirilən "Səbail"-"Kəpəz" oyunu başa çatdı. Gərgin keçən oyunda "Səbail" 1:0 qələbə qazandı.
xxxx
"Səbail"-"Kəpəz" oyununda tərəflər fasiləyə yollandı. İlk hissədən sonra "Səbail" 1:0 hesabda irəlidədir.
xxxx
Dünən futbol üzrə Azərbaycan Premyer Liqasında XX tura start verilib. PFL bu günə iki qarşılaşma təyin edib.
Günün ilk qarşılaşmasında "Səbail" "ASCO Arena"da qədim Gəncə təmsilçisi "Kəpəz"i qəbul edir. Həm "dənizçilər" həm də Nizami yurdunun təmsilçilər keçən tur qələbələrinin təsadüfü olmadığını sübut etmək üçün meydana çıxır. Hakim Əliyar Ağayevin idarə etdiyi qarşılaşmada artıq oyunun 11-ci dəqiqəsində "Səbail" Madi Quetanın qolu ilə hesabı açdı-"Səbail"-"Kəpəz"-1:0
Günün ikinci qarşılaşmasında "Sabah" "Bank Respublika Arena"da gənclik şəhər təmsilçisi "Sumqayıt"ı qəbul edəcək. "Bayquşlar" 2025-ci ildə ilk qələbəsini qazanmaq üçün meydana çıxacaq. "Kimyaçılar" keçən tur "Səbail"ə məğlubiyyətin əvəzini bu oyunda çıxmağa çalışacaq.
Turun digər görüşləri Bazar günü keçiriləcək. Bazar günü iki qarşılaşma baş tutacaq.
Bazar günü ilk olaraq "Araz-Naxçıvan" "Liv Bona Dea Arena" "Neftçi"ni qəbul edəcək. Həm muxtar respublika təmsilçisi həm də "ağ-qaralar" bu oyunda ilin ilk qələbəsini qazanmağa çalışacaq.
Günün və turun sonuncu qarşılaşmasında "Qarabağ" "Tofiq Bəhramov adına Respublika Stadionu"nda "Turan Tovuz"u qəbul edəcək. "Qarabağ" Avroliqadakı məğlubiyyətin hirsini tovuzlulardan çıxamağa çalışacaq. Qərb təmsilçisi də keçən tur "Kəpəz" məğlubiyyətini unutdurmaq üçün bu oyunda ən azı məğlub olmamaq haqqında düşünəcək.
Qeyd etdiyimiz kimi futbol üzrə Azərbaycan Premyer Liqasının XX turana dünən start verilib. Dünən bir qarşılaşma baş tutub.
Günün açılış oyununda "Şamaxı" "Şamaxı Şəhər Stadionu"nda "Zirə"ni qəbul edib. Artıq oyunun 38-ci dəqiqəsində Brahim Konatenin qolu ilə "Şamaxı" hesabı açıb-"Şamaxı"-"Zirə"-1:0.Oyunun 45+2-ci dəqiqəsində Ruan Renato "Zirə"nin bərabərlik topuna imza atıb-"Şamaxı"-"Zirə"-1:1. İlk hissə tərəflərin hərəyə bir dəfə fərqlənməsi ilə başa çatıb-"Şamaxı"-"Zirə"-1:1.Oyunun 49-cu dəqiqəsində Salifu Suma "Zirə"nin ikinci topuna imza ataraq komandasını hesabda önə keçirib-"Şamaxı"-"Zirə"-1:2. Bu oyunda son qol olub və "Zirə" matçdan 1:2 qalib ayrılıb.







