Emmanuel Hakman: “Nəticələrimizi yaxşılaşdırmalıyıq”
Azərbaycan Premyer Liqasının XX turunda sensasiyası "Tofiq Bəhramov adına Respublika Stadionu"nda reallaşdı. Belə ki, "Turan Tovuz" "Qarabağ"a qarşı diş göstərək əzmkar səfər qələbəsi qazandı. "Boz qurd"un futbolçusu Emmanuel Hakman komandasının qələbə şərhini Strateji.az saytına müsahibəsində açıqladı
-Ağır keçən oyunla bağlı fikirlərin maraqlıdır...
-Rəqibimizin adından bəlliydi ki, bizi gərgin matç gözləyir. Düşündüyümüzdən də çətin oyun alındı. Buna rəğmən meydanda təslimiyyət haqqında düşünmədik, mübarizə apardıq və layiqli qələbə qazandıq.
-"Qarabağ" erkən qol vurdu, oyunun böyük hissəsində topa nəzarət edərək üstünlüyünü nümayiş etdirirdi. Belə bir anda geridönüş edərək qələbə qazanacağınıza inanırdınmı?
-Ümid sonda ölür. Futbolda bu deviz olmadan meydana çıxırsansa, artıq məğlubsan. Odur ki, bütün oyunlarda qələbəyə fokuslanırıq. Əlbəttə ki, çempionatın ən güclü komandası ilə oyunda hesabda geri olmağımıza baxmayaraq məğlubiyyətdən qaçacağımıza və qələbəyə inanırdıq. Çox sevinirəm ki, əziyyətimiz hədər getmədi və çoxlarının gözləmədiyi halda həm əzmkar, həm də sensasiyalı qələbə qazandıq.
-Növbəti turda evdə "Səbail" qəbul edəcəksiz. "Dənizçilər" hazırda çox yaxşı formadadırlar və ardıcıl iki oyundu qələbə sıralayırlar. Bayıl təmsilçisinin sizi də büdrəyəcəyindən qorxmursuz?
-Biz tək "Səbail"ə yox, bütün komandalara hörmət edirik. Bununla yanaşı istənilən kluba qarşı da döyüşə hazırıq. Çempionatın ikinici pərdəsi hələ yeni-yeni başlayır, bizi qarşıda olduqca çətin turlar gözləyir. Nəticələrimizi yaxşılaşdırmalıyıq.
//Strateji.az , ABDULLA İSMAYILOĞLU







