Şeron Stoun bu məşhur şəxsin nəvəsi imiş - FOTO
"Hollywood" ulduzu Şeron Stounun tarixin ən önəmli şəxsiyyətlərindən biri - Kral Böyük Karl (748-814) ilə qohum olduğu məlum olub.
"Daily Mail" nəşrinin "PBS" kanalına istinadən verdiyi məlumata görə, "Öz köklərini axtarışda" adlı şouda aparılan araşdırmalar nəticəsində Böyük Karlın Şeron Stounun 38-ci ulu babası olduğu müəyyən edilib.
Şounun aparıcısı bu faktı aktrisaya bildirərkən onun heyrətini gizlədə bilmədiyini vurğulayıb. "O, demək olar ki, müasir Avropanı formalaşdıran, dəmir iradəyə malik bir lider idi", - aparıcı qeyd edib.
Bundan əlavə, o, ulu babası Corc Qreqsin vaxtilə İngiltərədən Pensilvaniyaya köç edərək mədənçi kimi çalışdığını öyrənib.
Qeyd edək ki, Böyük Karl - Karolinqlər imperiyasının qurucusu və "Avropanın Atası" kimi tanınır. O, Roma imperiyasının süqutundan sonra Qərbi və Mərkəzi Avropanı birləşdirən tarixi şəxsiyyətlərdən biri olub.
.jpg)
//milli.az







