Belajdi Pusi: “Qol imkanlarında son nöqtəni qoya bilmədik”
Azərbaycan Premyer Liqasının XXI turunda "Neftçi" dogma divarlar arasında "Şamaxı"nı qəbul edib. Qarşılaşma "ağ-qaralar"ın 1:0 hesablı qələbəsiylə yekunlaşıb. Oyundan sonra "Şamaxı"nın futbolçusu Belajdi Pusi Strateji.az saytına açıqlama verib.
"Bizim üçün çətin qarşılama olacağını bilirdik. Oyuna yaxşı başladıq. İlk yarıda rəqibi qapısı ağzına sıxsaq da, əlimizə düşən qol imkanlarında son nöqtəni qoya bilmədik. Əvəzində isə buraxdığımız səhvdən rəqib maksimum yararlanaraq qapımıza yol tapdı və sıx müdafiə olunaraq qapandı”. -deyə Pusi bildirib
Bölgə təmsilçisinin "9 nömrə"si çempionatın II yarısında ardıcıl üç oyundu məğlub olmaları haqqında da şərh edib:
"Təbbi ki, qış fasiləsindən sonrakı nəticələrimiz ürəkaçan deyil. Hər oyunda meydanda döyüşürük və minimal hesabla məğlub oluruq. Demək ki, hardasa çatışmazlığımız var. Odur ki, son 3 matçımızı dərindən analiz edərək nöqsanlarımızı aradan qaldırmağa çalışacağıq". -deyə "Şamaxı"nın futbolçusu qeyd edib.
//Strateji.az ABDULLA İSMAYILOĞLU







