"Şamaxı" 2025-ci ildə ilk qələbəsini qazandı-YENİLƏNİB-2
Azərbaycan Premyer Liqasının XXII turu çərçivəsində keçirilən "Şamaxı"-"Sumqayıt" oyunu başa çatdı. Gərgin keçən matç 1:0 "Şamaxı"nın xeyrinə başa çatdı.
xxxxx
Oyunun 60-cı dəqiqəsində "Şamaxı" Brahim Konatenin qolu ilə hesabı açdı-"Şamaxı"-"Sumqayıt"-1:0
xxxx
Bu gün futbol üzrə Azərbaycan Premyer Liqasında XXII tura start verilib. PFL bu günə iki qarşılaşma təyin edib.
Günün və turun açılış qarşılaşmasında "Şamaxı" "Şamaxı Şəhər Stadionu"nda gənclik şəhər təmsilçisi "Sumqayıt"ı qəbul edir. İl başlayandan xal üzünə həsrət "Şamaxı" bu oyunda ən azı bir xal qazanmağa çalışır. "Kimyaçılar" isə "Şamaxı"ya üç xal üçün gəlib. Hakim Rəvan Həmzəzadənin idarə etdiyi qarşılaşmada artıq oyunun ilk hisəsi arxada qaldı. İlk hissədən sonra tərəflərdən heç biri fərqlənə bilməyib-"Şamaxı"-"Sumqayıt"-0:0
Günün ikinci qarşılaşmasında "Sabah" "Bank Respublika Arena"da "Turan Tovuz"u qəbul edəcək. Keçən tur "Kəpəz"ə gözlənilməz şəkildə məğlub olan "bayquşlar" bu oyunda qələbə qazanmağı hədəfləyəcək. Keçən tur "Səbail" ilə oyunda bir xala qane olan "boz qurdlar" bu oyunda qələbə qazanmaq istəyir.
Turun digər görüşləri sabah və Çərşənbə axşamı keçiriləcək
Sabah ilk olaraq muxtar respublika təmsilçisi "Araz-Naxçıvan" "Liv Bona Dea Arena"da qədim gəncə təmsilçisi "Kəpəz"i qəbul edəcək. Muxtar Respublika təmsilçilsi matçdan 3 xalla ayrılmağa cəhd göstərəcək. Azərbaycan Kubokunun oyununda evdə məğlub olan Nizami yurdunun təmsilçiləri keçən turdakı qazandıqları qələbənin təsadüfü olmadığını sübut etməyə çalışacaq.
Günün ikinci qarşılaşmasında "Zirə" "Zirə İdman Kompleksinin Stadionu"nda "Neftçi"ni qəbul edəcək. Keçən tur "Qarabağ"a qalib gələn "mavi qartallar" bu oyunda da qələbəyə sevinmək istəyəcək. Həm Azərbaycan Kubokunun oyununda həm də keçən tur qələbələrə sevinən "ağ-qaralar" bu oyunda da qələbə qazanmaq istəyir.
Turun sonuncu görüşü Çərşənbə axşamı keçiriləcək.
Günün yeganə və turun sonuncu qarşılaşmasında "Qarabağ" "Tofiq Bəhramov adına Respublika Stadionu"nda "Səbail"i qəbul edəcək. Azərbaycan Kubokunun oyununda "Səbail"lə oyunda məlubiyyətsizlik seriyasına son qoyan "köhlən atlar" bu oyuna da üç xal üçün çıxacaq. "Dənizçilər" isə meydanda möcüzə axtarışında olacaq.







