"Liv Bona Dea Arena"da qalib müəyyənləşmədi-YENİLƏNİB
Azərbaycan Premyer Liqasının XXII turu çərçivəsində keçirilən "Araz-Naxçıvan"-"Kəpəz" oyunu başa çatdı. Gərgin keçən matç başladığı hesabla bitti-"Araz-Naxçıvan"-"Kəpəz"-0:0.
xxxx
Dünən futbol üzrə Azərbaycan Premyer Liqasında XXII tura start verilib. PFL bu günə iki qarşılaşma təyin edib.
İlk olaraq muxtar respublika təmsilçisi "Araz-Naxçıvan" "Liv Bona Dea Arena"da qədim gəncə təmsilçisi "Kəpəz"i qəbul edir. Muxtar Respublika təmsilçilsi matçdan 3 xalla ayrılmağa cəhd göstərir. Azərbaycan Kubokunun oyununda evdə məğlub olan Nizami yurdunun təmsilçiləri keçən turdakı qazandıqları qələbənin təsadüfü olmadığını sübut etməyə çalışır. Hakim Kamal Umudlunun etdiyi qarşılaşmada artıq oyunda ilk hissə arxada qaldı. İlk hissədən sonra hesab açılmayıb-"Araz-Naxçıvan"-"Kəpəz"-0:0
Günün ikinci qarşılaşmasında "Zirə" "Zirə İdman Kompleksinin Stadionu"nda "Neftçi"ni qəbul edəcək. Keçən tur "Qarabağ"a qalib gələn "mavi qartallar" bu oyunda da qələbəyə sevinmək istəyəcək. Həm Azərbaycan Kubokunun oyununda həm də keçən tur qələbələrə sevinən "ağ-qaralar" bu oyunda da qələbə qazanmaq istəyir.
Turun sonuncu görüşü Çərşənbə axşamı keçiriləcək.
Günün yeganə və turun sonuncu qarşılaşmasında "Qarabağ" "Tofiq Bəhramov adına Respublika Stadionu"nda "Səbail"i qəbul edəcək. Azərbaycan Kubokunun oyununda "Səbail"lə oyunda məlubiyyətsizlik seriyasına son qoyan "köhlən atlar" bu oyuna da üç xal üçün çıxacaq. "Dənizçilər" isə meydanda möcüzə axtarışında olacaq.
Qeyd etdiyimiz kimi futbol üzrə Azərbaycan Premyer Liqasının XXII turuna dünən star verilib. PFL dünənə iki qarşılaşma təyin edib.
İlk olaraq "Şamaxı" "Şamaxı Şəhər Stadionu"nda gənclik şəhər təmsilçisi "Sumqayıt"ı qəbul edib. Oyunun ilk hissəsi başladığı hesabla bitti-"Şamaxı"-"Sumqayıt"-0:0. Oyunun 60-cı dəqiqəsində "Şamaxı" Brahim Konatenin qolu ilə hesabı açıb-"Şamaxı"-"Sumqayıt"-1:0. Bu matçda vurulan sonuncu qol oldu və "Şamaxı" matçdan 1:0 qalib ayrıldı. Bu "Şamaxı"nın 2025-ci ildə ilk qələbəsi olub.
Günün ikinci qarşılaşmasında isə "Sabah" "Bank Respublika Arena"da "Turan Tovuz"u qəbul edib. Artıq 15-ci dəqiqəsində "Turan Tovuz" Aleks Souzanın qolu ilə hesabı açıb-"Sabah"-"Turan Tovuz"-0:1. İlk hissə "bozqurdlar"ın 0:1 hesablı üstünlüyü ilə başa çatıb. Oyunun 50-ci dəqiqəsində Pavel Savranko penaltidən "Sabah"ın ikinci topuna imza atıb-"Sabah"-"Turan Tovuz"-1:1.Oyunun 59-cu dəqiqəsində Cesse Sekidika "Sabah"ın ikininci topuna imza ataraq komandasını hesabda önə keçirib-"Sabah"-"Turan Tovuz"-2:1. Bu oyunda vurulan sonuncu qol olub və "Sabah" matçda 2:1 qalib ayrılıb.







