Venesuela seçkiləri izləmək üçün Aİ müşahidəçilərini ölkəyə dəvət etdi
Venesuellada İyulun 28-də Prezident seçkiləri keçiriləcək. Strateji.az "haberler.com" saytına istinadən xəbər verir ki, ölkənin Seçki Komissiyası bir çox xarici müşahidəciləri və Beynəlxalq təşkilatları seçkini müşahidə etmək üçün Venesuelaya dəvət edib.
Venesuela Avropa İttifaqınında seçkini izləməsi üçün müşahidəçi göndərməsinə dair dəvət göndərib.
Ölkənin Seçki Komissiyasının rəhbəri Elvin Amorosso bildirib ki, seçkini izləmək üçün Latın Amerikası və Karib Hövzəsi Dövlətləri İcması (CELAC), Amerikalararası Seçki Təşkilatları İttifaqı, Birləşmiş Millətlər Təşkilatı (BMT), Afrika İttifaqı (AfB) və Karib İcması (CARICOM) kimi beynəlxalq təşkilatlara dəvətlər göndərilib.
Qeyd edək ki, Venesuela Prezidenti Nikolas Maduro bildirib ki, ölkənin Seçki komisiyyasının qərarı bizim üçün müqəddəsdir. O əlavə edib ki, bu seçkilərdə Venesuela xalqı qazanacaq.
//Aytən Əsgərova, Strateji.az