Şahruddin Məhəmmədəliyev: "Futbolda tənəzzülsüz olmur"
Dünən "Qarabağ" səfərdə “Neftçi”ni məğlub etib. "Süvarilər"in qapı xətdindən bu dəfə Şahruddin Məhəmmədəliyev yer almasa da, o, kənardan komandasını qələbə səsləyənlər sırasında fəallığı ilə seçilirdi. Matçdan sonra Şah Strateji.az saytına müsahibə verib.
- Oyunla bağlı fikirlərin maraqlıdır...
- Azərbaycan derbisinə layiq, maraqlı oyun alındı.
- Bu gün start "11-lik"də yox idin. Zədən var yoxsa performans olaraq rəqabətdə Koxalskiyə uduzduğuna görə bu gün polşalını qapıda gördük?
- Baş məşqçinin qərarı idi.
- Performansın haqqında nə deyərdin?
- Formamı yavaş-yavaş bərpa edirəm. Baş məşqçi də şans verdikcə qapıda yerimi alıram.
- Oyuna qayıdaq bu gün "Neftçi" zəif çıxış etdi, yoxsa sizin bəxtiniz gətirdi?
- "Neftçi" zəif oynamadı. Sadəcə futbolçumuzun qırmızı vərəqə almasından sonra meydanda daha sıx oynamağa başladıq. Nəticədə xarakter göstərib qələbə qazandıq.
- Ötən turda "Səbail" i darmadağın etdiz, bu gün isə "Neftçi"dən üstün olduz. Artıq relsə düşmüsüzmü və qələbə seriyası gələcəkmi?
- Məğlubiyyətlər aldıq və qısa müddət durğunluq oldu. Futbolda tənəzzülsüz olmur. Amma əsas odur ki, toparlandıq və yavaş-yavaş işimizi görürük. İstənilən zəhmətin bəhrəsini Allah qiymətləndirir. Ümid edirəm ki, istədiyimiz nəaliyyəti əldə edəcəyik.
- Səncə, sonuncu tura kimi bütün oyunlarınızın dramatik keçəcəkmi?
- Onu dəqiq deyə bilərəm ki, biz hər oyuna qələbə üçün çıxacağıq. Bizim elə baş məşqçimiz var ki, o, bizdə meydanda maksimum nəticə tələbə edir.
// Strateji.az ABDULLA İSMAYILOĞLU







