"Bayquşlar"ın özbəkistanlısı Azərbaycan futbolu haqqında nə dedi?
Bu gün baş tutan “Səbail” – “Sabah” qarşıdurması qolsuz bərabərliklə başa çatdı. Matçdan sonrası Masazır təmsilçisinin özbəkistanlı futbolçusu Umarali Raxmonaliyev Strateji.az saytına müsahibə verib.
-Oyunla bağlı təəssüratların maraqlıdır...
-Bu mənim “Sabah” da ikinci oyunumdur. İlk yarıda istədiyimiz oyunu meydanda sərgiləyə bilmədik. Amma fasilədən sonra yaxşı çıxış etdik, bircə qol çatmadı. Oyunumuzu analiz edəcəyik. Fikrimcə, komandamızda hər şey qaydasındadır, yaxşı kollektivimiz var. Hazırda əsas çatışmazlığımız əlimizə düşən fürsətləri qola çevirə bilməməyimizdir.
-Süni meydançada oynamaq sənə çətinlik yaratmır?
-Yavaş-yavaş sintetik meydançada oynamağa alışıram. “Kəpəz” ilə oyunumda da süni qazonda oynadıb. Bildiyim qədəriylə çempionatın 4 komandası süni meydançada oynayır. Ona görə də buna öyrəşməliyik.
-"Sabah" da adaptasiya prosesini arxada qoymusanmı?
-Bəli
-Azərbaycan futbolu haqqında ilkin təəssüratın necədir?
-Düşündüyümdən daha güclü Azərbaycan futbolu gördüm. Çempionatınızda bacarığının 100%-ni ortaya qoymalısan. Bunu edə bilməsən və oyuna fokuslana bilməsən Azərbaycan Premyer Liqasında uğur qazana bilməyəcəksən.
// Strateji.az ABDULLA İSMAYILOĞLU







