I Liqada XV turun oyunları keçirilib
Bu gün futbol üzrə Azərbaycan I Liqasında XV tura start verilib. PFL bu günə üç qarşılaşma təyin edib. Hər üç qarşılaşma paralel olaraq keçirilib.
Paralel görüşlərin birində "Cəbrayıl" "ASCO Arena"da Yevlaxın "Karvan" klubunu qəbul edib. Görüşün ilk hissəsi başladığı hesabla bitib-"Cəbrayıl"-"Karvan"-0:0. Oyunun 77-ci dəqiqəsində "Karvan" Emil Qasımovun qolu ilə hesabı açıb-"Cəbrayıl"-"Karvan"-0:1. Oyunun 90+7-ci dəqiqəsində Elşad Əliyev penaltidən "Cəbrayıl"ın bərabərlik topuna imza atdı-"Cəbrayıl"-"Karvan"-1:1. Bu görüşdə vurulan son qol oldu və tərəflər hərəyə bir dəfə fərqlənməklə bir xala qane oldular-"Cəbrayıl"-"Karvan"-1:1.
Paralel keçirilən ikinci qarşılaşmada MOİK "Binə qəsəbə stadionu"nda "Qəbələ"ni qəbul edib. Artıq oyunun 20-ci dəqiqəsində "Qəbələ" Elşad Tağıyevin qolu ilə hesabı açıb-MOİK-"Qəbələ"-0:1. İlk hissə "Qəbələ"nin 0:1 üstünlüyü ilə başa çatıb. Oyunun 60-cı dəqiqəsində Oçe Oçoveçi "Qəbələ"nin ikinci topuna imza atıb-MOİK-"Qəbələ"-0:2.Oyunun 74-cü dəqiqəsində Domi Massumo "Qəbələ"nin üçüncü topuna imza atdı-MOİK-"Qəbələ"-0:3.Oyunun 76-cı dəqiqəsində Oçe Oçoveçi dubla imza ataraq özünün ikinci komandasının dördüncü topuna imza atıb-MOİK-"Qəbələ"-0:4.
Paralel keçirilən üçüncü qarşılaşmasında "İmişli" "Heydər Əliyev adına İmişli şəhər stadionu"nda "Zaqatala"nı qəbul edib. Artıq oyunun 35-ci dəqiqəsində "İmişli" Mehdi Tahirovun qolu ilə hesabı açdı-"İmişli"-"Zaqatala"-1:0. Oyunun 42-ci dəqiqəsində "Zaqatala" azlıqda qalıb. "Zaqatala"nın heyətində Həsən Həsənli qırmızı vərəqə alaraq meydandan qovulub-"İmişli"-"Zaqatala"-1:0. İlk hissə "İmişli"nin 1:0 üstünlüyü ilə başa çatıb. Oyunun ikinci hissəsində heç bir qol olmadı və ilk hissənin nəticəsi oyunun nəticəsi olub-"İmişli"-"Zaqatala"-1:0.
//Nəzərbəy Hacıağayev, Strateji.az







