Fələstinin Baş naziri Səudiyyə Ərəbistanına səfər edib

 Fələstinin Baş naziri və Xarici İşlər naziri Muhammed Mustafa ilk Səudiyyə Ərəbistanı səfərini həyata keçirib. Strateji.az "CNN Türk"ə istinadən xəbər verir ki, o Məkkədə səfərdə olub.

Səfər çərçivəsində Muhammed Mustafa Səudiyyə Ərəbistanın Xarici İşlər naziri Faysal bin Ferhan ilə görüşüb. Görüş zamanı nazirlər Qəzzadakı vəziyyəti müzakirə edib. 

Mustafa bildirib ki, Qəzzaya edilən humanitar yardım əməliyyatlarını daha da sürətləndirmək lazımdır.

Bizim əsas prioritetimiz xalqımıza hücumu dayandırmaq. Qəzza zolağında yardım əməliyyatlarını sürətləndirmək və səhiyyə, təhsil, elektrik, su və kanalizasiya kimi infrastrukturun yenidən qurulması və təmiri üçün kompleks planlar hazırlamaqdır."-deyə Baş nazir bildirib.

//Aytən Əsgərova, Strateji.az