"Liv Bona Dea Arena"da qalib müəyyənləşmədi-YENİLƏNİB
Azərbaycan Premyer Liqasının XXIV turu çərçivəsində keçirilən "Araz-Naxçıvan"-"Səbail" oyunu başa çatdı. Gərgin keçən matç başladığı hesabla bitdi-"Araz-Naxçıvan"-"Səbail"-0:0.
xxxx
Günün ilk qarşılaşmasında "Araz-Naxçıvan" "Liv Bona Dea Arena"da "Səbail"i qəbul edir. Keçən tur məğlub olan muxtar respublika təmsilçisi bu oyunda qələbə qazanmağa çalışır. "Dənizçilər" isə oyunda məğlub olmamaq haqqında düşünür. Hakim Fərid Hacıyevin idarə etdiyi qarşılaşmada artıq ilk hissə arxada qaldı. İlk hissədən sonra tərəflərdən heç biri fərqlənə bilməyib-"Araz-Naxçıvan"-"Səbail"-0:0
Günün ikinci qarşılaşmasında "Qarabağ" "Tofiq Bəhramov adına Respublika Stadionu"nda "Sabah"ı qəbul edəcək. "Köhlən atlar" matçda növbəti üç xallarını qazanmağa çalışacaq. Keçən tur audsaydərə qalib gələ bilməyən "bayquşlar" bu oyunda ən azı məğlub olmamaq haqqında düşünəcək.
Turun sonuncu görüşləri Bazar günü keçiriləcək. Bazar günü iki qarşılaşma baş tutacaq.
Bazar günü ilk olaraq "Şamaxı" "Şamaxı Şəhər Stadionu"nda "Turan Tovuz"u qəbul edəcək. Meydan sahibləri doğma publika önündə ən azı məğlub olmamaq haqqında düşünəcək. "Boz qurd" isə matçdan növbəti üç xalı ilə ayrılamağa çalışır.
Günün və turun sonuncu qarşılaşmasında "Zirə" "Zirə İdman Kompleksinin Stadionu"nda qədim Gəncə təmsilçisi "Kəpəz"i qəbul edəcək. "Mavi qartallar" doğma meydanda növbəti üç xallarını qazanmağı hədəfləyib. Nizami yurdunun təmsilçiləri isə bu oyunda ən azı məğlub olmamaq haqqında düşünəcək.
Qeyd etdiyimiz kimi futbol üzrə Azərbaycan Premyer Liqasının XXIV turuna dünən start verilib. PFL açılış gününə bir qarşılaşma təyin edib.
Turun yeganə qarşılaşmasında "Neftçi" "Neftçi Arena"da gənclik şəhər təmsilçisi "Sumqayıt"ı qəbul edib. Görüşün ilk hissəsi başladığı hesabla bitib-"Neftçi"-"Sumqayıt"-0:0.Oyunun 90+3-cü dəqiqəsində "Neftçi" Filpp Ozobiçin penaltidən qolu ilə hesabı açıb- "Neftçi"-"Sumqayıt"-1:0. Bu oyunda yeganə qol olub və "Neftçi" matçdan 1:0 qalib ayrılıb.







