II Liqada 2 görüş baş tutub
Bu gün futbol üzrə Azərbaycan II Liqaınında XIV tura start verilib. PFL bu günə iki qarşılaşma təyin edib.
Görüşlərin paralel keçirilib.
Paralel keçən görüşlərin birində "Qusar" "Neftçi Futbol Mərkəzi"ndə (IV meydança) "Füzuli"ni qəbul edib. Artıq oyunun 8-ci dəqiqəsində "Qusar" Əlibəy Məmmədlinin qolu ilə hesabı açıb-"Qusar"-"Füzuli"-1:0. 11-ci dəqiqəsində Samur-Xan Aslanxanov "Füzuli"nin bərabərlik topuna imza atıb-"Qusar"-"Füzuli"-1:1. Oyunun 26-cı dəqiqəsində Əlibəy Məmmədli dubla imza ataraq özünün və komandasının ikinci topuna imza atıb və "Qusar"ı yenidən hesab önə keçirib-"Qusar"-"Füzuli"-2:1. Oyunun 45+1-ci dəqiqəsində Orxan Qurbanlı "Qusar"ın üçüncü topuna imza atıb-"Qusar"-"Füzuli"-3:1. İlk hissə "Qusar"ın 3:1 üstünlüyü ilə başa çatıb. Oyunun 49-cu dəqiqəsində Əlibəy Məmmədli hett-trik edərək özünün üçüncü "Qusar"ın dördüncü topuna imza atıb-"Qusar"-"Füzuli"-4:1. Oyunun 59-cu dəqiqəsində Eşqin Tağıyev "Qusar"ın beşinci topuna imza atdı-"Qusar"-"Füzuli"-5:1. Oyunun 68-ci dəqiqəsində Elgün Abbaslı "Füzuli"nin ikinci topuna imza ataraq hesab arasındakı fərqi azaltdı-"Qusar"-"Füzuli"-5:2. Bu oyunda vurulan son qol olub və "Qusar" matçdan 5:2 qalib ayrılıb.
Paralele keçirilən ikinci görüşdə isə "Şəfa" "ASK Arena"da "Dinamo"nu qəbul edib. Oyunun 16-cı dəqiqəsində "Şəfa" Tərlan Quliyevin qolu ilə hesabı açıb-"Şəfa"-"Dinamo"-1:0. Oyunun 37-ci dəqiqəsində Zahid Mərdanov "Şəfa"nın ikinci topuna imza atdı-"Şəfa"-"Dinamo" -2:0. İlk hissə "Şəfa"nın 2:0 üstünlüyü ilə başa çatıb. Oyunun 60-cı dəqiqəsində Amil Yunanov "Şəfa"nın üçüncü topuna imza atıb-"Şəfa"-"Dinamo"-3:0. Bu oyunda son qol olub və "Şəfa" üç xalı üç cavabsız qolla qazanıb.
Sabah II futbol üzrə Azərbaycan II Liqaınında daha bir görüş baş tutacaq.
Günün yeganə qarşılaşmasında "Göygöl" "Göygöl Olimpia Kompleksinin Stadionu"nda "Saatlı-Araz"ı qəbul edəcək.
Tura isə 1 martda keçiriləcək üç qarşılaşma ilə yekun vurulacaq.
Martın 1-də "Ağdaş" "Ağdaş Şəhər Stadionu"nda "Şimal"ı. "Hyper Guba" "Quba Olimpia Stadionu"nda "Şəmkir"i "Şəki City" isə "Lerik"i qəbul edəcək.
//Nəzərbəy Hacıağayev, Strateji.az







