İdris İnqilablı: "Daha çox qələbələr qazanmalıyıq"
I Liqanın XVI turunda çempionluğa iddialı "İmişli" səfərdə "Qaradağ Lökbatan"ı məğlub edib. Bölgə təmsilçisinin futbolçusu İdris İnqilablı oyunla bağlı Strateji.az saytına müsahibə verib
- Matçla bağlı fikirlərin maraqlıdır...
- "Qaradağ Lökbatan" ilə oyuna ciddi hazırlaşmışdıq. Şükürlər olsun ki, əziyyətimizin bəhrəsini gördük və qələbə qazandıq. Qarşıdakı turlarda da qələbə qazanmağa köklənməliyik. Bəlli piləkəndə möhklənib, pillələri qaxlmalıyıq.
- Çempionatın II yarısına heç də yaxşı başlamadız. Vacib xallar itirdiz, həmçinin qeyri-stabil çıxışla diqqət çəkdiz. Bunun səbəbi nə idi?
- II dövrədəki uğursuz nəticələri sensasiya adlandırardım. Əslində oyun planında heç də pis çıxış etmirdik, sadəcə qələbə qazanmalı olduğumuz oyunlarda vacib xallar itirdik. İndi bizə həmin qarşılaşmalardakı səhvlərimizdən maksimum dərs çıxarıb daha çox qələbələr qazanmalıyıq. Məqsədimiz çempionluq, ən pis halda isə mövsümü 2-ci pillədə başa vurmaqdır.
- Elita təcrübəsi olan futbolçusan, Premyer Liqa ilə I Liqanın arasında fərqləri necə xarakterizə edərdin?
- Təbii ki, Premyer Liqanın səviyyəsi daha yüksəkdir və orda daha keyfiyyətli futbolçular var. Buna baxmayaraq I Liqanın da özünə görə çətinliyi, gərginliyi var. Burda həm çempionluq, həm də sonuncu olmamaq uğrunda gərgin mübarizə gedir. Qəsası I Liqada iddialı komandalar çoxdur.
- Premyer Liqadakı mübarizə haqqında nə deyərdin?
- "Qarabağ" ilə "Sabah"ın oyun planında eniş yaşadığını düşünürəm. Hər iki komanda ötən mövsümdə daha yaradıcı və aqressiv idilər. "Zirə"hazırda yaxşı çıxışıyla diqqət çəkir. Onların sərgilədiyi oyun xoşuma gəlir. Buna baxmayaraq elitada maraqlı, gərgin mübarizə gedir hər bir komamda rəqiblərini məğlub edə, xal götürə bilər. Amma "Qarabağ" bu ildə rahat çempion olacağı şübhəsizdir.
- Səncə, "Qarabağ"dan başqa avrokuboklara hansı klublarımız vəsiqə qazanacaq?
- "Zirə", "Turan Tovuz" və "Araz-Naxçıvan"ı daha şanslı hesab edirəm.
// Strateji.az ABDULLA İSMAYILOĞLU







