"Qarabağ" növbəti qələbəsini qazandı-YENİLƏNİB-3
Azərbaycan Premyer Liqasının XXV turu çərçivəsində keçirilən "Sumqayıt"-"Qarabağ" oyunu başa çatdı. Gərgin keçən oyunda "Qarabağ" 0:2 qalib gəldi.
xxxx
Oyunun 38-ci dəqiqəsində Leandro Andrade "Qarabağ"ın ikinci topuna imza atdı-"Sumqayıt"-"Qarabağ"-0:2
xxxx
Bu gün futbol üzrə Azərbaycan Premyer Liqasının XXV turuna start verilib. PFL bu günə açılış gününə iki qarşılaşma təyin edib.
Günün ikinci qarşılaşmasında gənclik şəhər təmsilçisi "Sumqayıt" "Mehdi Hüseyinzadə adına Sumqayıt Şəhər Stadionu"nda "Qarabağ"ı qəbul edir. "Kimyaçılar" bu oyunda ən azından məğlub olmamağa çalışır. "Köhlən atlar isə matça növbəti üç xal üçün çıxıb. Hakim Rauf Cabarovun idarə etdiyi qarşılaşmada artıq oyunun 31-ci dəqiqəsində "Qarabağ" Kadi Borqesin qolu ilə hesabı açdı-"Sumqayıt"-"Qarabağ"-0:1
Turun digr görüşləri sabah və Çərşənbə günü keçiriləcək. Sabah iki qarşılaşma baş tutacaq.
Sabah ilk olaraq "Turan Tovuz" "Tovuz Şəhər Stadionu"nda "Zirə"ni qəbul edəcək."Boz Qurd" qəlbə qazanaraq rəqibi ilə xalını bərabərləşdirmək istəyir. Azərbaycan Kuboku ilə vidalaşan "mavi qartallar" isə mövqeyini qorumaq və rəqibi ilə xal fərqini artırmaq üçün bu oyunda qələbə qazanmağa çalışacaq.
Günün ikinci qarşılaşmasında "Sabah" "Araz-Naxçıvan"ı qəbul edəcək. "Bayquşlar" "Neftçi"dən uzaqlaşmaq üçün matçda növbəti qələbələrini qazanmağı hədəfləyib. Muxtar respublika təmsilçisi isə mövqeyini qorumaq üçün matçda qələbə qazanmağa çalışcaq.
Çərşənbə gümü bir qarşılaşma baş tutacaq.
Günün yeganə və turun sonuncu qarşılaşmasında qədim Gəncə təmsilçisi "Kəpəz" "Tovuz Şəhər Stadionu"nda "Neftçi"ni qəbul edəcək. Nizami yurdunun təmsilçisi Azərbaycan Kubokundakı məğlubiyyətin əvəzini çıxmaq üçün bu oyunda qələbə qazanmağa çalışacaq. "Ağ-qaralar" da bu oyunda qələbə qazanaraq "Sabah"la xal fərqini saxlamaq istəyir.
Bu gün bir qarşılaşma baş tutub.
Bu görüşdən əvvəl "Səbail" "ASCO Arena"da "Şamaxı"nı qəbul edib. Artıq oyunun 41-ci dəqiqəsində "Şamaxı" Vasiliye Bakiçqolu ilə hesabı açıb-"Səbail"-"Şamaxı"-0:1. İlk hissə "Şamaxı"nın 0:1 üstünlüyü ilə başa çatıb. Oyunun 63-cü dəqiqəsində Andrey Tirkoveanu "Şamaxı"nın ikinci topuna imza atıb-"Səbail"-"Şamaxı"-0:2. Bu oyunda vurulan son qol olub və hər hissəyə bir qol vuran "Şamaxı" matçdan 0:2 qalub ayrılıb.







