Rüstəm Məmmədov: "İşimiz-gücümüz qar təmizləməklə keçib"
I Liqanın yola saldığımız XVI turunda MOİK ilə "Zaqatala" qolsuz sülhə razılaşdılar. Matçla bağlı bölgə təmsilçisinin baş məşqçisi Rüstəm Məmmədov Strateji.az saytına danışıb.
"MOİK ilə oyunumuz Zaqatala da baş tutmalıydı. Amma kəskin hava şəraitinə və stadionumuzun tamamilə qarla örtüldüyünə görə matç Bakıya keçirildi. Qarşılaşmaya ciddi hazırlaşa bilməmişdik. İşimiz-gücümüz qar təmizləmək keçib. Bu tədbirlər nəticəsində də mini futbol meydanşası həcmində yer təmizlyib, iki gün orda yüngül məşqlər keçə bildik. Oyuna gəlincə, həm istədiyimiz hazırlığı keçə bilməməyimiz, həm heyətimizdəki itkilər, həm yol yorğunluğuna görə ilk hissədə istəyimiz futbolu sərgiləyə bilmədil. Amma fasilədən sonra daha yaxşı çıxış etdik, kreativ hücumlarla yadda qaldıq. Amma təəssüf ki, qol imkanlarından yararlana bilmədik. Rəqib qapışı inamlı oynadı, iki zərbəmiz tirdən qayıtdı, qalan hallarda da top qapıdan yan keçdi. Qısası bir xal qazandıq, iki xal itirdik".
// Strateji.az ABDULLA İSMAYILOĞLU







