"Araz-Naxçıvan" "Şamaxı"nı qəbul edir-START HEYƏTLƏR
Bu gün futbol üzrə Azərbaycan Premyer Liqasında XXVII tura start veriləcək. PFL bu günə bir qarşılaşma təyin edib.
Turun yeganə və günün açılış qarşılaşmasında "Araz-Naxçıvan" "Liv Bona Dea Arena"da "Şamaxı"nı qəbul edəcək. Keçən tur "Qarabağ"a məğlub olan muxtar respublika təmsilçisi bu oyunda qələbə qazanmaq istəyir. İki turdur qələbə qazanan "Şirlər" bu oyunda ən azı məğlub olmamaq haqqında düşünəcək. Hakim Rauf Cabarovun idarə edəcəyi qarşılaşma üçün artıq komandaların start heyətləri bizlərə məlumdur:
"Araz-Naxçıvan"ın start heyəti:
12. Kristian Avram(GK)
34. Urfan Abbasov
2. Slavik Alxasov
6. Vadim Abdullayev (C)
7. Ülvi İsgəndərov
29. Vanderson Melo
17. İssuf Paro
23. Nuno Rodriqes
4. İqor Ribeyro
10. Bernardo Dias
9. Əyyub Allaş
"Araz-Naxçıvan"ın ehtiyat oyunçuları:
94. Tərlan Əhmədli(GK)
26. Ömər Buludov
22. Elçin Mustafayev
20. Turan Vəlizadə
11. Bayraməli Qurbanov
71. Sənan Ağalarov
16. Ramon Maçado
21. Sezar Meza Kolli
8. Karlos Jatoba
"Araz-Naxçıvan"ın baş məşçiqisi:Elmar Baxşıyev
"Şamaxı"nın start heyəti:
1. Rikardo Fernandes(GK)
17. Rafael Məhərrəmli (C)
6. Rauf Rüstəmli
82. Rüfət Abbasov
24. Edqar Adilxanov
12. Maykl Tuik
32. Vasiliye Radenoviç
93. Brahim Konate
30. Andrey Tirkoveanu
3. Vladislav Veremeyev
66. Vasiliye Bakiç
"Şamaxı"nın ehtiyat oyunçuları:
85. Kamal Bayramov(GK)
62. Abdulla Seydəhmədov(GK)
60. Səbayıl Bağırov
14. Vüsal Məsimov
5. Arsen Ağcabəyov
23. Murad Vəliyev
18. Cəlal Hüseynov
19. Fəxri Məmmədli
33. Alfons Msanqa
"Şamaxı"nın baş məşqçisi:Ayxan Abbasov
Turun digər görüşləri sabah və Bazar günü keçiriləcək. Sabah iki qarşılaşma baş tutacaq.
Sabah ilk olaraq qədim Gəncə təmsilçisi "Kəpəz" "Tovuz Şəhər Stadionu"nda "Qarabağ"ı qəbul edəcək. Keçən tur Sumqayıtda yerli komandaya məğlub olan Nizami yurdunun təmsilçiləri bu oyunda ən azından məğlub olmamaq haqqında düşünəcək. "Köhlən atlar" isə bu oyunda növbəti üç xalını qazanmağa çalışıb.
Günün ikinci qarşılaşmasında "Bank Respublika Arena"da "Sabah" "Zirə"ni qəbul edəcək. Keçən tur "Şamaxı" ilə oyunda gözlənilməz məğlubiyyətə düçar olan "bayquşlar" bu oyunda qələbə qazanmaq istəyir. Dörd turdur qələbələrini sıralayan "mavi qartallar"da meydandan qələbə ilə ayrılmaq istəyir.
Bazar günü iki qarşılaşma baş tutacaq.
Bazar günü ilk olaraq "Səbail" "ASCO Arena"da "Neftçi"ni qəbul edəcək. İki turdur məğlub olan dənizçilər bu oyunda xal qazanmaq haqqında düşünəcək. Keçən tur "Turan Tovuz"la oyunda qələbəni son anda əldən verən "Neftçi" bu oyunda qələbə qazanmaq istəyəcək.
Günün və turun sonuncu oyunda "Turan Tovuz" "Tovuz Şəhər Stadionu"nda gənclik şəhər təmsilçisi "Sumqayıt"ı qəbul edəcək. "Boz qurd" matçda növbəti qələbəsini qazanmaq istəyəcək. "Kimyaçılar" isə matçda ən azı məğlub olmamaq haqqında düşünəcək.







