Sudan ordusu paytaxtı ələ keçirib
Sudan ordusu ilə islahatçılar arasında baş tutan və 2 ildən artıq davam edən vətəndaş müharibəsi fonunda bu gün Sudan ordusu ölkənin paytaxtı Xartumu ələ keçirib. Strateji.az Türkiyənin "Hürriyət" qəzetinə istinadən xəbər verir ki, bu barədə məlumatı Sudanın Azadlıq Şurasının sədri Əbdül Fəttah əl-Burhan verib.
Sudanın Azadlıq Şurasının sədri Əbdül Fəttah əl-Burhan dünən verdiyi açıqlamada, "Paytaxt Xartum hazırda azaddır"-deyə bildirib.
Qeyd edək ki, ölkədəki silahlı toqquşmalar səbəbindən təxminən 9 milyon insan məcburi köçkünə çevrilib, 3,5 milyon nəfər isə qonşu ölkələrə sığınıb.
İnfrastruktur, iqtisadiyyat, təhsil və səhiyyə sahələrində böyük dağıntılara səbəb olan münaqişə, xalqı ağır sınaqlarla üz-üzə qoyub.
Xatırladaq ki, toqquşmalar 2023-cü ilin Aprel ayından başlayıb.
//Nəzərbəy Hacıağayev, Strateji.az







