118 qanusnuz mühacir saxlanıldı
Mərakeşdə qanunsuz mühacirlərə qarşı əməliyyat baş tutub. Strateji.az "haberler.com" saytına isitnadən xəbər verir ki, əməliyyat Mərakeşin Hərbi Dəniz qüvvələri tərəfindən keçirilib.
Əməliyyat zamanı 118 qanunsuz mühacir saxlanılıb. Onlar dənizdə olduqları zamanı iki rezin qayıqda ələ keçirilib. Saxlanılanlardan 3 nəfər azyaşlı, 9 nəfəri isə xanım olub. Saxlanılanlardan 114 nəfəri Afrika ölkələrindən, 4 nəfəri isə Banqladeş vətəndaşı olub.
Saxlanılanlar ölkənin hüquq-mühafizə orqanlarına təhvil verilib.
Qeyd edək ki, ölkənin Daxili İşlər Nazirliyi Yanvarın 23-də verdiyi açıqlamaya əsasən Mərakeşdə keçən il 75184 qanunsuz mühacir saxlanılmışdı.
//Aytən Əsgərova, Strateji.az