Volker Türk Sudanla bağlı həyacan təbili çaldı

 Artıq bir ildir ki, Sudanda vətəndaş müharibəsi davam edir. Strateji.az "haberler.com" saytına istinadən xəbər verir ki, məsələ ilə bağlı Birləşmiş Millətlər Təşkilatının (BMT) İnsan Hüquqları üzrə Ali Komissarı Volker Türk açıqlama verib.

Türk Sudandakı vəziyyətlə bağlı həyacan təbili çalıb. O bildirib ki, tərəflərin mülki şəxsləri silahlandıraraq münaqişəyə cəlb etməsi gərginliyi daha da artırır .

Türk bildirib ki, ölkədəki vətəndaş müharibəsi böyük humanitar böhrana səbəb olur. 

"Bu gün yoluxucu xəstəliklərin ən çox yayıldığı ölkədə xəstəxanaların 70% xidmət göstərə bilmir. Əhalisinin 18 milyonu azyaşlıardan ibarət olan ölkədə 14 milyon azyaşlı aclıqla üz-üzədir"-deyə Türk bildirib.

//Aytən Əsgərova, Strateji.az