"Kəpəz" səfərdə qələbəyə sevindi-YENİLƏNİB-2
Azərbaycan Premyer Liqasının XXIX turu çərçivəsində keçirilən "Sabah"-"Kəpəz" oyunu başa çatdı. Gərgin keçən matçda "Kəpəz" 0:1 qalib gəldi.
xxxx
"Sabah"-"Kəpəz" oyununda tərəflər fasiləyə yollandı. İlk hissədən sonra "Kəpəz" 0:1 hesabda irəlidədir.
xxxx
Dünən futbol üzrə Azərbaycan Premyer Liqasında XXIX tura start verilib. PFL bu günə iki qarşılaşma təyin edib.
"Sabah" "Bank Respublika Arena"da qədim Gəncə təmsilçisi "Kəpəz"i qəbul edir. "Bayquşlar" matça növbəti qələbəsini qazanmaq üçün çıxır. Nizami yurdunun təmsilçiləri isə ən azından məğlub olmamaq haqqında düşünür. Hakim Rauf Cabarovun etdiyi qarşılaşmada artıq oyunun 41-ci dəqiqəsində "Kəpəz" Valdemar Almeydanın qolu ilə hesabı açdı-"Sabah"-"Kəpəz"-0:1
Günün ikinci qarşılaşmasında "Qarabağ" "Tofiq Bəhramov adına Respublika Stadionu"nda "Zirə"ni qəbul edəcək. "Köhlən atlar" çempionluğa bir addımda yaxınlaşmaq üçün matçda növbəti qələbələrini qazanmağa çalışacaq. "Mavi qartallar" isə bu oyunda ən azından məğlub olmamağa çalışacaq.
Turun digər görüşləri Bazar ertəsi günü keçiriləcək. Bazar ertəsi günü iki qarşılaşma baş tutacaq.
Bazar ertəsi günü ilk olaraq "Şamaxı" "Şamaxı Şəhər Stadionu"nda "Neftçi"ni qəbul edəcək. Keçən tur darmadağın olan "Şirlər" bu turda qələbə qazanmağa çalışacaq. "Ağ-qaralar"da matça üç xal üçün çıxacaq.
Günün və turun sonuncu qarşılaşmasında "Araz-Naxçıvan" "Liv Bona Dea Arena" gənclik şəhər təmslçisi "Sumqayıt"ı qəbul edəcək. Muxtar Respublika təmsilçisi bu oyunda növbəti qələbəsini qazanmağa çalışacaq. "Kimyaçılar" isə bu oyunda ən azında məğlubiyyətsizlik seriyasını davam etdirməyə cəhd göstərəcəklər.
Qeyd edək ki, futbol üzrə Azərbaycan Premyer Liqasının XXIX turuna dünən start verilib. PFL açılış gününə bir qarşılaşma təyin edib.
Günün yeganə oyununda "Səbail" "ASCO Arena"da "Turan Tovuz"u qəbul edib. Görüşün ilk hissəsində tərəflərdən heç biri fərqlənə bilməyib-"Səbail"-"Turan Tovuz"-0:0. Oyunun ikinci hissəsində tərəflərdən heç biri fərqlənə bilməyib və görüş başladığı hesabla bitib-"Səbail"-"Turan Tovuz"-0:0







