İsrail Çinin reaksiyasından narahat oldu

 İranın İsrailə hücumu ilə bağlı bir çox dövlətlər açıqlama verib. Strateji.az "haberler.com" saytına istinadən xəbər verir ki, Çin də məsələ ilə bağlı açıqlama verib. 

Ancaq Çinin açıqlaması İsraili həm qane etməyib, həm də narahat edib. Məsələ ilə bağlı Pekindəki İsrail səfir Yuvan Vaks açıqlama verib.

"Biz rəsmi Pekindən bu hücumu sərt şəkildə qınamasını və İsrailin özünü müdafiə haqqını tanımasını gözləyirdik. Ancaq rəsmi Pekin bunun əksini etdi. Təəssüf ki, gözlədiklərimizi müşahidə etmədik. Yenə də Çin hökumətinin rəsmilərinə İranın regionda mənfi rol oynadğını və terror qruplaşmarını dəstəklədiyini bildirdik"-deuə Vaks bildirib.

Qeyd edək ki, İranın İsrailə hücumundan sonra Rəsmi Pekin məsələ ilə bağlı açıqlama verib. Çin Xarici İşlər Nazirliyinin açıqlamasında regionda gərginliyin armasından Çinin narahat olduğu bildirilərək tərəfləri təmkinli olmağa çağrış edilib.

//Aytən Əsgərova, Strateji.az