2024 Dünya Kubokunun rəsmi posterini təqdim edildi

 Azərbaycan Atıcılıq Federasiyası stend və güllə atıcılığı üzrə 2024 Dünya Kubokunun rəsmi posterini təqdim edir. 

Mayın 1-dən 12-dək ölkəmiz 8-ci dəfə atıcılıq üzrə Dünya Kubokuna ev sahibliyi edəcək. Atıcılıq idman növünün həm güllə, həm də stend atıcılığı üzrə keçiriləcək 2024 Dünya Kubokunun yarışları və finalları Bakı Atıcılıq Mərkəzində təşkil ediləcək. 

Yarışlarda 80-dən çox ölkədən 400-dən artıq idmançının və 300-dən çox texniki heyətin iştirak etməsi gözlənilir. 

Azərbaycan Atıcılıq Federasiyası bütün idmansevərləri, atıcılıq idmanı həvəskarlarını 1-12 may tarixlərində stend və güllə atıcılığı üzrə 2024 Dünya Kuboku həyəcanını birgə yaşamağa dəvət edir. 

Biletləri yaxın günlərdə  www.ticket.az saytından əldə edə bilərsiniz.