"Sumqayıt" II pilləyə yüksəldi-YENİLƏNİB-2

 Azərbaycan Premyer Liqasının XXVI turu çərçivəsində keçirilən "Səbail"-"Sumqayıt" oyunu başa çatdı. Gərgin keçən matçda "Sumqayıt" 0:1 hesabı ilə qələbə qazanaraq ikinci pilləyə yüksəldi.
xxxx
"Səbail"-"Sumqayıt" oyununda tərəflər fasiləyə yollandı. İlk hissədən sonra "Sumqayıt" 0:1 hesabda irəlidədir.
xxxxxx
Bu gün futbol üzrə Azərbaycan Premyer Liqasında XXVI tura start verili.  PFL bu günə bir qarşılaşma təyin edib.

Turun açılış matçında "Səbail" "ASCO Arena"da gənclik şəhər təmsilçisi "Sumqayıt"ı qəbul edir. "Dənizçilər"  ikinci pillədəki yerlərini qorumaq üçün bu matçdan qalib ayrılmağı düşünür. "Sumqayıt" isə yenidən ikinci pilləyə yüksəlmək üçün Səbailə qələbə arxasınca gəlib.Hakim Tural Quranovun idarə etdiyi qarşılaşmada artıq 10-cu dəqiqəsində "Sumqayıt" Kasmir Ninganın qolu ilə hesabı açdı-"Səbail"-"Sumqayıt-0:1

Turun digər görüşləri şənbə və bazar günü keçirilcək.
Şənbə günü iki qarşılaşma 
Şənbə günü ilk olaraq "Tovuz Şəhər Stadionu"nda qədim Gəncə təmsilçisi "Kəpəz" "Neftçi"ni qəbul edəcək. Nominal meydan sahibləri bu oyunda keçən turdakı kimi möcüzə yaratmaq istəyir. Keçən tur "Qarabağ"a məğlub olan "Neftçi" həm azərkeşlərinin kölnünü almaq həm də yüksək yerlər uğrunda mübarizəni davam etdirmək üçün matçdan üç xalla ayrılmağı düşünür.
Günün ikinci qarşılaşmasında "Sabah" "Bank Respublika Arena"da "Qəbələ"ni qəbul edəcək. Meydan sahibləri yüksək yerlər uğrunda mübarizə aparmaq üçün bu matçdan üç xalla ayrılmağı düşünür. Son pillədə yaxa qurtarmağa cəhd edən qonaqlar isə bu matçda möcüzə axtarışında olacaq.
Bazar günü iki qarşılaşma keçiriləcək.
Günün ilk qarşılaşmasında "Turan Tovuz" "Tovuz Şəhər Stadionu"nda "Araz-Naxçıvan"ı qəbul edəcək. Qonşu mövqeylərdə olan komandaların oyununda hər iki komanda qələbəyə can atacaq.
Günün və turun sonuncu qarşılaşmasında "Qarabağ" "Tofiq Bəhramov adına Respublika Stadionu"nda "Zirə"ni qəbul edəcək. Avrokuboklarda tarix yazan "Qarabağ" Almaniya səfəri öncəsi yorğun olsa da çox özünü yormadan bu oyundan üç xal almağa çalışacaq. "Mavi qartallar" isə diqqəti "Bayer Leverkuzen"lə oyunda olan rəqibindən ən azı bir xal almağa çalışacaq.