Əfsanə meydana qayıdır - 58 yaşında

 Braziliya millisinin sabiq futbolçusu Romario karyerasını bərpa edib.

İdman.biz xəbər verir ki, əfsanəvi hücumçu 58 yaşında meydanlara qayıtmağa qərar verib.

Romario “Amerika de Rio-de-Janeyro” ilə müqavilə imzalayıb. O, həm də bu klubun prezidentidir.

Hücumçu özünə minimal maaş təyin edib. O, bu məbləği klubun fonduna köçürəcək.

“Amerika de Rio-de-Janeyro”da Romarionun oğlu Romarinyo da çıxış edir.

Qeyd edək ki, Romarionun komandası Braziliyanın D seriyasında mübarizə aparır.