ABŞ-dan Ukrayna ilə bağlı ziddiyyətli mesajlar: Kellogg danışıqları "ümidverici" adlandırdı
ABŞ-ın sabiq milli təhlükəsizlik müşaviri KitKellogg sosial şəbəkə platforması X-də (əvvəlki Twitter) etdiyi paylaşımda İngiltərə, Fransa və Almaniyadan ibarət üçlük (E3) ilə ABŞ və Ukrayna nümayəndələrinin iştirak etdiyi danışıqlar barəsində bəhs edib. Strateji.az Türkiyənin "Hürriyət" qəzetinə istinadən xəbər verir ki, O danışıqları "ümidverici" adlandırıb.
Ukraynanı təmsil edən Prezident Aparatının rəhbəri Andriy Yermak, xarici işlər naziri Andrii Sybiha və müdafiə naziri Rüstem Umerovun qatıldığı görüşün müsbət keçdiyini bildirən Kellogg, Trampın Rusiya-Ukrayna müharibəsi ilə bağlı strateji yanaşmasının davam etdirilməsinin vaxtı çatdığını vurğulayıb.
Zelenskidən "davamlı sülh" mesajı
İngiltərə, Fransa və Almaniyadan ibarət E3 ölkələri ilə ABŞ və Ukrayna nümayəndələri dünən Londonda Rusiya-Ukrayna müharibəsinin sonlandırılmasına yönəlik mühüm görüş keçiriblər.
Ukrayna Prezidenti Volodimir Zelenski danışıqlardan sonra X hesabında paylaşım edərək, “Bu cür ortaq əməkdaşlıqların davamlı sülhə yol açacağına inanırıq,” deyə bildirib.
Zelenski, ölkəsinə göstərilən dəstəyə görə müttəfiqlərə təşəkkür edərək əlavə edib: “Ukrayna hər zaman öz konstitusiyasına və tərəfdaşlarının, xüsusilə ABŞ-ın prinsipial qərarlarına uyğun hərəkət edəcək.”
İngiltərə Xarici İşlər Nazirliyi isə yazılı açıqlamasında qeyd edib ki, bütün tərəflər Prezident Trampın ölümlərin qarşısını almaq və ədalətli, davamlı sülhün təmin olunması istiqamətində göstərdiyi əzmi qətiyyətlə dəstəkləyir.
Açıqlamada danışıqların uğurla keçdiyi vurğulanaraq, Gələcək mərhələlərdə ortaq mövqeyin formalaşdırılması istiqamətində əhəmiyyətli irəliləyiş əldə olunub. Yaxın koordinasiyanın davam etdirilməsi ilə bağlı razılıq əldə edilib.
//Şəfa Yusifzadə , Strateji.az







