Hindistan və Pakistan arasında gərginlik artır: Yeni Dehli hücumlara görə qonşusunu ittiham edir
Hindistanın Baş naziri Narendra Modinin rəhbərliyi ilə keçirilən Kabinet Təhlükəsizlik Komitəsinin (CCS) iclasında Pahalgamda baş verən terror hücumu müzakirə olunub. Strateji.az Türkiyənin "Hürriyət" qəzetinə istinadən xəbər verir ki, Görüş zamanı Modiyə hadisə ilə bağlı geniş məlumat verildiyi və hücumun "sərhədyanı bağlantılarının" araşdırıldığı bildirilib.
Pahalgam küçələrinə axışan hindistanlı vətəndaşlar, ötən gün baş vermiş terror aktına etiraz olaraq kütləvi aksiya keçiriblər. Yerli mənbələr aksiyada Pakistan əleyhinə şüarların səsləndirildiyini qeyd edirlər.
Pakistanlı diplomatlar ölkədən çıxarılır
Hindistanın xarici işlər naziri Vikram Misri keçirdiyi mətbuat konfransında iclasda verilən qərarların detalları ilə bağlı açıqlama verib. O bildirib ki, Pakistanın Yeni Dehlidəki səfirliyində çalışan dəniz və hava qüvvələri üzrə hərbi attaşelər "arzuolunmaz şəxs" elan olunublar. Diplomatik əməkdaşlara Hindistanı tərk etmək üçün bir həftə vaxt verildiyi qeyd olunub.
//Şəfa Yusifzadə, Strateji.az







