Yaponiyada zəlzələ: 11 yaralı
Yaponiyada zəlzələ baş verib. Strateji.az "haberler.com" saytına istinadən xəbər verir ki, yeraltı təkanlar Ehime, Koçi və Oiti əyalətlərində baş verib.
Zəlzələ 6.6 bal gücündə olub. Zəlzələnin baş verdiyi əyalətlərdə dağıntılar qeydə alınıb. Bundan əlavə zəlzələnin baş verdiyi ərazilərdə suyun verilməsində problemlər yaşanıb. Suyun kəsintilərlə verilməsi su xətlərinin partlaması ilə əlaqədar olub. Zəlzənin baş verdiyi əyalətlərdə magistral yollarda zədələnmələr olub. Zəlzələ zamanı 11 nəfər yaralanıb. Yaralanalardan 7 nəfəri Ehime, 2 nəfəri Koçi, digər 2 nəfəri isə Oiti əyalətində yaralanıb. Zəlzələdən sonra sunami təhlükəsinin olmaması barədə məlumat verilib.
//Aytən Əsgərova, Strateji.az