"Böyük bir şərəf oldu ki, 30 illik həsrətə biz son qoyduq"-VİDEO
Bu günlərdə hər kəsin diqqətində "Qarabağ" və "Neftçi" amputant futbol klubları arasında oynanılan oyun zamanı möhtəşəm qolu vuran Sənan Hacıyevdədir. Strateji.az-ın məlumatına görə o İTV-müsahibə verib.
Sənan müsahibə zamanı qazi olmasından bəhs edib.
"Böyük bir şərəf oldu ki, 30 illik həsrətə biz son qoyduq. Bu yolda çoxlu şəhidlərimiz və qazilərimiz oldu. Mən də bu yolda minaya düşərək sağ ayağımı itirdim "-Hacıyev bildirib.
Uşaqlıqdan futbolu çox sevən Sənan hal-hazırda sevdiyi peşədən uzaq deyil. O hal-hazırda Azərbaycan amputatn milli komandasının üzvüdür. O amputatn komandasına necə üzv olması barədə danışıb
"Bir müddət özümə qapandım. Ən böyük qorxum futbolun əlimdən çıxacağını düşündüm. Qurban olum Allaha. Allahdan ümüd kəsilməz. Amma daha sonra amputant futbol komandasına qoşuldum. Burada özümü inkişaf etdirdim. Burada artıq əlil olduğumu yavaş yavaş unutdum. "-deyə Hacıyev bildirib.
O "Qarabağ" və "Neftçi" amputant futbol klubları arasında keçirilən qarşılaşmada akrobatik zərbə ilə vurduğu qoldan da danışıb.
"Futbolda çətin qolları vurmağı çox sevirəm. Oyunların birində də top qalxdı göyə, o an ayağım olmadığını unutdum, çəlikləri atdım və qol vurdum." - deyə qazi qeyd edib.
Milli komandamızın Avropa Çempionatındakı çıxışına toxunan Hacıyev bildirib ki, başqa bir dövlətdə Azərbaycan millisinin şərəfini qorumaq və himinin səsləndirilməsi böyük bir qürurdur.
Daha ətraflı süjetdə:
