Aysel Həsənova: "Biz fərqliliyi sizdə yaradırıq"
"Moon" şirkətinin rəhbəri Aysel Həsənova Strateji.az saytına müsahibə verib. Həmin müsahibəni sizlərə təqdim edirik:
"İstənilən sahədə kreativlik çox önəmlidir"
-İlk olaraq istərdik ki, bir az şirkətiniz haqqında məlumat verərdiz.
-Şirkətimiz artıq 4 ildirki fəaliyyət göstərir. İlk olaraq təşkilatçı kimi fəaliyyətə başlamışıq. Özəl və dövlət tədbirlərinin təşkil edilməsi ilə məşğul idik. Daha sonra fəaliyyətimizi yüksək səviyyəyə qaldırmaq üçün biz anladıq ki, marketinqlə də məşğul olmalıyıq. İlk olaraq öz brendimizi yaratdıq. Anladım ki, bu qiyabi olaraq əmələ gələn bir şey deyil. Bunu dərindən öyrənmək lazımdır və təhsilimi Almaniyada davam etdirdim. Geri qayıdanda anladım ki, bunun daim aktiv olması lazımdır. 2020-2021-ci il sosial şəbəkələrin Azərbaycan sıçrayış dövrü oldu. Bu da karantin dövrünün təsiri ilə əlaqədar idi. Ona görə biz bu sahəyə kökləndik. Daha sonra Avropanın bir çox ölkələrin seminarlara və kurslara getdim. Eyni zamanda da ölkəmizdə olan kurslarda iştirak etdim. Eyni bu sahənin tədrisi ilə də məşğul oldum. Artıq "Moon" şirkəti həm sosial media marketinq xidməti göstərir, həm piar marketinqlə məşğuldur, həm də ilk peşəmiz olan təşkilatçılığı davam etdiririk. Eyni zaman da bu üç sahənin də tədirisi ilə məşğuluq.
-Adətən Azərbaycanda bir çox insanlar təhsilini bitirəndən bir iş tapıb işləmək haqqında düşünür. Bəs siz necə oldu ki, məhs şirkət yaratmaq haqqında qərara gəldiz.
-Baxmayaraq ki, tibb təhsili alıram şirkət yaratmaq həvəsi məndə uşaqlıqdan var idi. Bu bir uşaqlıq arzum idi. Bilirdim ki, elmlə məşğul olduğum zaman kreativlik də önəmlidir. Çox həvəsli idim. Məktəb vaxtı keçirilən təbirlərdə aparıcı kimi iştirak edirdim. İlk işim bu idi. İlk gəlir əldə etdiyim sahə 16 yaşında bu olub. Hətta bir tədbirdə sinxron tərcüməçilik də etmişişəm. Gördüm ki, bu mənim ruhumun tam kreativ tərəfidir. Hiss elədim ki, bu sahədə aktiv fəaliyyət göstərməliyəm. Yaşımın az olmasına baxmayaraq bu sahəyə böyük təlabatın olduğunu görürdüm. Mənim bir üstünlüyüm var idi. Həm Azərbaycanlı düşüncəsi ilə məsələlərə yanaşa bilirdim, həm də təhsilimin böyük hissəsini Avropada aldığım üçün Avropa düşüncəsinə kreativ idalarına sahib idim. Bu ahəngi qoruyub saxlmağım mənim işimi digərlərindən fərləndirərək bir rəngarəngliyə səbəb oldu. Mənim uğur qazanmağım üçün əsas meyar oldu. Avropasayğı bir işi Azərbaycan düşüncəsinə və mentalitetinə görə təqdim etməyi bacarırdım. Beləcə bu düşüncə resuslarım mənim 2021-ci ildə bu şirkəti yaratmağıma səbəb oldu.
-Biz keçmişdə Sovet dönəmində yaşamışıq və bu gün bəzi iş adamları o dövrdə fəaliyyətdə olub. Bəzilərinin reklama yanaşması bir mənalı deyil. Bəs siz necə fikirləşirsiz ? Azərbaycan iş adamlarının reklam vermək mədəniyyəti formalaşıbmı ?
-Deyə bilərəm ki, reklam vermək və markentq anlayışı Azərbaycan hələ də inkişaf dövründədir. Biz bununla çox rastlaşırıq. Hələ də köhnə düşüncəli insanlar reklam vermək və marketinqin əhəmiyyətini yetirincə anlamırlar. Düzdür onlar bunu anlamasalarda elə bir dövrə gəlmişik ki, onlar reklam vermək məcburiyyətində qalırlar. Məncə bu sahənin tanıdılması və üzərində çox işlər görülməsi əhəmiyyətlidir.
- Heç belə halla rastlaşmısız ki, sizə təqdim olunan məhsula görə tələb olunan reklam xidmətinə baxanda məhsulun kefiyyəti reklamın mətni ilə uyğun gəlmir? Yəni məhsul təqdim olunanadan qat-qat aşağıdır. Belə halla rastlaşanda necə hərəkət edirsiz ? Peşəkarlıq öna plana keçir yoxsa etik prinsiplər ?
-Çox gözəl sualdır. Ümumiyyətlə mən bu sahəyə baş vurandan sonra mən iş axtarmadım. İşlər gəlib özü məni özü tapdı. Aralarında sizin dediyiniz kimi olan işlər də var idi. Düzdür peşəkarlıq önəmlidir. Ancaq mən hər zaman öz brendimi qorumuşam. Məhs buna görə mən hər zaman müştəri seçimi etmişəm. Bunun mənfi tərəfini görməmişəm. Əksinə müsbət tərəfini görmüşəm. Hər dəfə də gələn müştəri kefiyyətli məhsulla yaxınlaşıb bizə. Bu balansı qoruyub saxlaya bilmişik.
-Bilir ki, Azərbaycanda müxtəlif sahələrdə fırıldaqçılar mövcuddur. Bu dələduzlar öz sahələrində insanları aldatmaq üçün, onları özlərinə cəlb etmək üçün reklama ciddi yanaşır. Siz belə müştərilərlə qarşılaşmısız ? Qarşılaşanda nə etməisiz ?
-Belə hallarla dəfələrlə qarşılaşmışıq. Hələ də qarşılaşırıq. Təssüflər olsun ki, oturuşmuş brendlər də əməkdaşlıq zamanı belə hallar olur. Necə deyərlə bu işdir, biznesin bir sahəsidir. Həm itki olur, həm də belə hallar olur.
-Bəs tələbkar müştəriləriniz olurmu ?
Mənim bütün müştərilərim mənlə simbioz iş qrafikindədirlər. Onların mənə verdiyi güvən var mənim onlara verdiyim nəticə var. Bu günə qədər müştərilərim arasında tələbkarlar olub. Ancaq o tələbkarlıq mənim ilk nəticəni alana qədər olur. İlk nəticəni alandan sonra güvən yaranır və simbioz qrafikimiz davam edir.
Gənc biznes-ledisiz. Bu sahədə olsun, fərqli sahədə olsun istər dövlət, istər özəl sahədə olsun yeni fəaliyyətə başlayan gənclərə uğur qazanmış bir gənc kimi nə məsləhət görərdiz ?
-Bu işlərdə ən əsası intizamdır. İstənilən sahədə kreativlik çox önəmlidir. Bu istər elmi sahə olsun, özəl özəl sektor olsun, istər dövlət işi olsun. Zamanın tələbinə uyğun olaraq aralıqsız özünüzü təkminləşdirməlisiz. Bu bütün sahələrdə fəaliyyət göstərən şəxslərə aiddir.Məsələn mən tibbi bitirəcəyəm. Ancaq düşünürəm ki, mənim ancaq tibbdən başım çıxmalıdır. Mən bir həkim kimi bütün sahələri mükəmməl bilməliyəm. Mən mətbuatı da bilməliyəm, marketinqidə bilməliyəm, sosial şəbəkələri də bilməliyəm. Men videokadrajda özümü necə tədqim etməliyəm və ya mənim az-çox natiqliq bacarığım olmalıdır. Bütün bunlar kurslar vasitəsi ilə, seminarlar vasitəsi ilə qazananıla bilər. Mən hansısa bir ixtisası bitirdim, bu sahədə işləyə bilərəm və uğur qazana bilərəm bir anlayış yoxdur. Bütün sahələrdə uğura gedən yolda maraq dairəniz geniş olmalıdır və öz üzərinizdə işləməlisiz.
-Hal-hazırda bazarda sizin kimi şirkətlər çoxdur. Siz Strateji.az vasitəsi ilə müştərilərə digər şirkətlərdən fərqinizin və üstünlüyünüzün nədən ibarət olduğunu deyə bilərsiz ?
-Biz iki sahədə fəaliyyət göstəririk tədris və xidmət. Bunları ayrı-ayrı qeyd etmək istəyirəm. Xidmət sahəsidə bütün müştərilərimizə verdiyimiz bir söz var. Biz fərqliliyi sizdə yaradırıq. Hər bir şirkətin özünün ana genetikası var və ya bir yolla irəlləyir. Bəzi şirkətlərdə isə bu yoxdur. Yeni qurulubsa iş kütləsinə, yaradıcısının maraq dairəsinə uyğun bir genakod seçirik. Bu brendə, xidmət sahəsinə və hətta şəxsə uyğun ola bilər. Çünki Azərbaycanda artıq fərdi şəxslərin özünü reklam etmək mədəniyyəti yaranıb. Həmin genetikadan istifadə edərək fərqliliyi yaradırıq. Tədris sahəsinə gəldikdə isə Azərbaycanda çox az sayda şirkət var kı, bu sahədə tədris verir və sonda iş zəmanəti, Avropada tanınan sertifikatla təmin edir.Düzdür kurslarda hər yaş kateqoriyasında insanlar olur. Amma daha çox gənclər təşkil edir. Mənə elə gəlir ki, gənclərə gənclərlə işləmək daha rahatdır. Çünki eyni dalğada oluruq, birbirimizi daha yaxşı başa düşürük. Mən gənc olaraq gənclərin nə qədər qavramaq bacarığını anlayıram. Mən özümdən bildiyim qədər tədrisi və təqdimatı necə qavramaq lazımdır deyə onlara da yaxşı ötürə bilirəm. Hesab edirəm ki, aramızdakı yaz fərqinin olması cavan tələbələrin məni seçməsin də mənə üstünlük qazandırır. Yaşlı tələbələrimizdə olur. Ən yaşlı tələbəmizin 46 yaşı olub. Onlara da eyni dalğada zamanın tələbinə adabtasiya edərək öyərətməyimiz məni digərlərindən fərqləndirir.
-Aysel xanım heç elə tələbəniz olub ki, o yaşı çoxdur. Ancaq sizin yanınıza gələrək deyib ki, mən kursa başlayacağam, hər şeyi sıfırdan quracağam və özümə yeni biznez quracağam.
-Bəli olub. Bayaq da qeyd etdiyim kimi 46 yaşlı tələbəmiz bizim kursa gəldikdən sonra öz brendini yaradıb. Mən onun adını çəkmək istəmirəm. Çox uğurludur. Azərbaycanın ən məhşur gül mağazası ondadır. Bu isə bizim qürurumuzdur ki, bizim yanımıza gələn şəxs şəxsi brendini yaradıb. O arıtq ikinci filalını açır. Bütün bu proses kurs bitmədən başlayıb.İki həftə kursa gəldi. Üçüncü hfətədən dedi ki, mən başlayıram. Mənim də təbii ki böyük dəstəyim oldu. Marketinq məsələrində böyük dəstək verdik. İllərdi çox fərqli bir sahədə işləyirdi. Dövlət işində işləyirdi. Bu insan sadəcə bir gün dedi ki, mən biznezlə məşğul olmaq istəyirəm. Necə edim, nə edim buna başlayım deyərək bizim yanımıza gəldi. Öz işində çox uğurludur. Biz onu sertifikatla təmin edəcəyik. Hətta biz onu Avropa sertifikatı ilə təmin edəndən sonra o Avropada biznesinin bir filyalını açmağı düşünür.
-Xarici brendlərdən özünü Azərbaycan reklam etmək üçün sizə hər hansısa bir təklif olub ?
-Olub. İnnovativ şirkətlərdə olub. Hal-hazırda da işlədiyimiz şirkətlər də var. Azərbaycan hal-hazırda o qədər çiçəklənmə dövrü yaşayır ki, Avropanın çox böyük maraq dairəsindədir. Bunu statistikaya baxsaq turist axınından da hiss edərik. Mən görürəm ki, Azərbaycana bir çox brendlər gəlib. Maşın satışı olsun, kosmetik brendlər olsun. Biz innovasiya şirkətlərindən daha çox təklif alırıq. Mənə elə gəlir ki, yaxın 5 il ərzində çox qlobal dəyişikliklər olacaq.
-Yerli bazarda çox böyük uğurlar qazanmısız. Bəs xarici bazarda hansısa bir ölkədə filyalınızı açmağı düşünürsüz ?
-Belə bir fikir var. Ancaq gözləyirik ki, hansı ölkə bizim üçün uyğun olacaq. Hələki təhlillər aparırıq. Mənim üçün uyğunluq çox önəmlidir. Mən o ölkəni Azərbaycan qədər sevməliyəm. Özümə uyğun hesab etməliyəm və şirkətimiz üçün uyğun hesab etməliyəm.
-Hal-hazırda olan düşüncələrinizə görə ən uyğun ölkə hansıdır?
-Bu dəqiqə Almaniya
-Çox təşəkkürəm dəyərli vaxtınızdan ayırıb bizə müsahibə verdiyiniz üçün.
-Çox sağ olun. Mən də təşəkkür edirəm.
//Nəzərbəy Hacıağayev, Strateji.az