"Qəbələ" bir xalla kifayyətləndi-YENİLƏNİB-5
Azərbaycan Premyer Liqasının XXXI turu çərçivəsində keçirilən "Qarabağ"-"Qəbələ" oyunu başa çatdı. Gərgin keçən matçda tərəflər hərəyə iki dəfə fərqlənməklə bir xala qane oldular-"Qarabağ"-"Qəbələ"-2:2
xxx
Oyunun 85-ci dəqiqəsində Yaovi Akakpo "Qəbələ"nin ikinci topuna imza ataraq hesabı bərabərləşdirdi-"Qarabağ"-"Qəbələ"-2:2
xxxx
Oyunun 71-ci dəqiqəsində Abdullah Zubir "Qarabağ"ın ikinci topuna imza ataraq komandasını hesabda irəli çıxartdı-"Qarabağ"-"Qəbələ"-2:1
xxxx
Oyunun 66-cı dəqiqəsində Yassin Benziya "Qarabağ"ın bərabərlik topuna imza atdı-"Qarabağ"-"Qəbələ"-1:1
xxxx
"Qarabağ"-"Qəbələ" oyununda tərəflər fasiləyə yollandı. İlk hissədən sonra "Qəbələ" 0:1 hesabı ilə irəlidədir.
xxx
Dünən futbol üzrə Azərbaycan Premyer Liqasında XXXI tura start verilib. PFL bu günə iki qarşılaşma təyin edib.
Şənbə günü ilk olaraq "Qarabağ" "Tofiq Bəhramov adına Respublika Stadionu"nda "Qəbələ"ni qəbul edir. Çempionluğu rəsmləşdirən "köhlən atlar" oyun ritminin itməməsi üçün audsayderlə oyunda növbəti qələbəsini qazanmaq istəyir. "Qəbələ" isə uğursuzluqdan sonra yeni baş məşqçisi ilə motivasiyasız "Qarabağ"a qalib gəlmək haqqında düşünür. Hakim Fərid Hacıyevin idarə etdiyi qarşılaşmada artıq oyunun 19-cu dəqiqəsində "Qəbələ" Bilal Auşeriyanın qolu ilə hesabı açdı-"Qarabağ"-"Qəbələ"-0:1
Günün ikinci qarşılaşmasında "Zirə" "Zirə İdman Kompleksinin Stadionu"nda "Neftçi"ni qəbul edəcək. "Mavi qartallar" ikinci pilləyə yüksəlmək bu oyunda mütləq qələbə qazanmalıdır. "Neftçi" isə həm mövqeyini qorumaq, həm də "Zirə"dən uzaqlaşmaq üçün bu oyunda üç xalı hədəfləyib.
Turun digər görüşləri Bazar günü keçiriləcək.
İlk olaraq qədim Gəncə təmsilçisi "Kəpəz" "Tovuz Şəhər Stadionu"nda "Sabah"ı qəbul edəcək. "Sabah" bu oyunda növbəti qələbəsini qazanaraq avrokuboklara vəsiqə verən yer uğrunda mübarizə aparmaq istəyir. Nizami yurdunun təmsilçiləri isə bu matçda ən azı məğlub olmamaq haqqında düşünəcək.
Günün və turun sonuncu qarşılaşmasında "Araz-Naxçıvan" "Liv Bona Dea Arena"da "Səbail"i qəbul edəcək. Muxtar Respublika təmsilçisi yeni baş məşqçisi ilə ilk qələbəsini qazanmaq istəyir. "Dənizçilər"də yüksək yerlər uğrunda mübarizədən geri qalmamaq üçün bu matçdan qalib ayrılmaq istəyir.
Qeyd etdiyimiz kimi futbol üzrə Azərbaycan Premyer Liqasının XXXI turuna dünən start verilib. PFL açlış gününə bir qarşılaşma təyin edib. Artıq oyunun 15-ci dəqiqəsində "Sumqayıt" "Turan Tovuz"un heyətindən Şəhriyar Əliyevin avtoqolu ilə hesabı açıb-"Turan Tovuz"-"Sumqayıt"-0:1.Oyuun 22-ci dəqiqəsində Erik Sorqa "Sumqayıt"ın ikinci topa imza atıb-"Turan Tovuz"-"Sumqayıt"-0:2. İlk hissə "Sumqayıt"ın 0:2 hesablı üstünlüyü ilə bitib.Oyunun 52-ci dəqiqəsində "Turan Tovuz" Otto Conun penaltidən qolu ilə hesab arasındakı fərqi azaldıb-"Turan Tovuz"-"Sumqayıt"-1:2.Oyunun 88-ci dəqiqəsində Səbuhi Abdullazadə "Sumqayıt"ın üçüncü topuna imza atıb-"Turan Tovuz"-"Sumqayıt"-1:3.Oyunun 90+5-ci dəqiqəsində Cordan Rezabala "Sumqayıt"ın dördüncü topuna imza atıb-"Turan-Tovuz"-"Sumqayıt"-1:4. Bu görüşdə sonuncu qol olub və "Sumqayıt" matçdan 1:4 qalib ayrılıb.