Rusiya Ukraynada iki yaşayış məntəqəsini ələ keçirdi
Dünyanın diqqəti Rusiya-Ukrayna münaqişəsinin siyasi həllinə yönəldiyi bir vaxtda, Kreml hərbi mövqeyini gücləndirməkdə davam edir. Strateji.az "haberler.com" saytına istinadən xəbər verir ki, Rusiya Müdafiə Nazirliyi, şərqi Ukraynada aparılan əməliyyatlar zamanı daha iki yaşayış məntəqəsinin nəzarətə götürüldüyünü elan edib.
Rəsmi Moskvanın bu açıqlaması yeni bir irəliləyiş kimi təqdim olunsa da, Kiyev tərəfi bu iddianı təsdiqləmir. Ukraynanın yüksək rütbəli hərbi komandiri bildirib ki, təxminən 1100 kilometr uzunluğundakı cəbhə xətti boyunca ağır döyüşlər davam edir.
Sülh çağırışlarının edildiyi və diplomatik müzakirələrin intensivləşdiyi bir vaxtda, cəbhədən gələn bu cür xəbərlər münaqişənin hələ də aktiv fazada olduğunu göstərir. Regionda vəziyyətin gərginliyi isə həm hərbi, həm də siyasi meydanda yeni suallar doğurur.
//Şəfa Yusifzadə, Strateji.az







