Moskvaya dron hücumu: Uçuşlar dayandırıldı
Rusiyada hava məkanına giriş müvəqqəti bağlanıb. Strateji.az Türkiyənin "Hürriyət" qəzetinə istinadən xəbər verir ki, buna səbəb Moskvaya doğru hərəkət edən İHA-larla həyata keçirilən hücumdur.
Hücum nəticəsində ölkədə fövqəladə vəziyyətə bənzər gərginlik yaşanıb. Rusiya rəsmiləri bildiriblər ki, təhlükə hava hücumundan müdafiə sistemləri vasitəsilə zərərsizləşdirilib. Moskva meri Sergey Sobyaninin sözlərinə görə, paytaxta istiqamətlənmiş üç pilotsuz uçuş aparatı zərərsizləşdirilərək yerə salınıb.
Hadisə, Rusiyanın hava təhlükəsizliyi ilə bağlı ayıq vəziyyətdə olduğunu bir daha ortaya qoydu. Hücumun mənbəyi barədə isə hələlik rəsmi məlumat verilməyib.
//Şəfa Yusifzadə, Strateji.az







