Rusiya Ukraynada üç yaşayış məntəqəsini ələ keçirdi
Rusiya ordusu irəliləməyə davam edir. Strateji.az "haberler.com" saytına istinadən xəbər verir ki, Müdafiə Nazirliyi yeni bəyanatla çıxış edib.
Bəyanatda bildirilir ki, Rusiya Silahlı Qüvvələri Harkiv və Donetsk bölgələrində irəliləyib.
Məlumata görə, Harkivdə Stroyevka, Donetskdə isə Qnatovka və Şevçenko Pervoye kəndləri Rusiyanın nəzarətinə keçib.
Son 24 saatda Rusiya ordusu Ukraynada bir sıra obyektlərə zərbə endirib.
İHA istehsalı ilə məşğul olan sexlər, HIMARS raketlərinin yerləşdiyi ərazilər və sursat anbarları hədəfə alınıb.
Rusiya Müdafiə Nazirliyi bildirir ki, son sutkada Ukraynaya məxsus 123 pilotsuz uçuş aparatı vurulub.
Bunların 47-si cəbhə xəttindən kənarda məhv edilib.
Qeyd edək ki, Rusiya dünən də Donetsk və Sumi bölgələrində iki kəndi – Zelenoye Pole və Konstantinovkanı ələ keçirdiyini açıqlamışdı.
//Şəfa Yusifzadə, Strateji.az







