Nəsimi Əbilov: Bu gün, bütün dünya yəhudiləri qədim dövrlərin hadisələrini xatırlayırlar

 Aprelin 22-də gün batanda, yəhudilərin əsas bayramlarından biri olan Pesah başlayır. Bu gün, bütün Dünya yəhudiləri qədim dövrlərin hadisələrini xatırlayırlar. Bu münasibətlə "Azərbaycan Yəhudi Media Mərkəzi"nin direktoru, "Sumqayıt Yəhudiləri" Dini İcmasının həmtəsisçisi Nəsimi Əbilov bütün Dünya və Azərbaycan yəhudilərinin, yəhudi icmalarının "Pesah" azadlıq bayramını təbrik edib:

"Hörmətli dostlar və həmkarlar!

Pesah, millətimiz üçün ən önəmli bayramlardan biridir. O, azadlığı, Misirdən böyük köçü və köləlikdən qurtuluşu simvollaşdırır. Pesah insanların özlərini qurban verdikləri və uğrunda mübarizə apardıqları dəyərlərdən biri olan azadlıq üçün səy göstərməyin vacibliyini xatırladır.

Pesah bahar gətirir və onunla birlikdə istilik, yenilənmə və yaxşılığa doğru dəyişiklik ümidi.

Hər birimizdən başlayan dəyişiklik. Yaşadığımız dövrlər sülhün və yaxşılığın əhəmiyyətindən danışır. Düşüncələrimiz və hərəkətlərimiz, müqəddəs kitabların əmrlərinə riayət etmək, insanlıq və fəzilət sevgisi hər hansı çətinlik və maneələrə baxmayaraq, ətrafımızdakı reallığı daha da yaxşılaşdırmağa qadirdir.

Pesah bayramının əsas simvolu matzadır. Bizim icma, yaxşı ənənəyə uyğun olaraq, hər bir yəhudi evində matzanın bayram süfrəsində olmasını təmin etdi. Ənənəvi Pesah Sederi isti atmosferdə keçsin və koşer olsun.

Sizə, ailənizə və dostlarınıza, cəmiyyətimizin bütün üzvlərinə cansağlığı və firavanlıq arzulayıram.

.Pesah bayramınızı təbrik edirəm. Haq Pesah Sameah!

Nəsimi Əbilov

Azərbaycan Yəhudi Media Mərkəzinin direktoru