"Milan" axtardığı hücumçunu Fransada tapdı
Bu mövsüm çempionluq mübarizəsindən uzaq qalan İtaliya nəhəngi "Milan" növbəti mövsüm üçün axtarışlara başlayıb. Strateji.az "sporx" saytına istinadən xəbər verir ki, "rossonerler" mövsümün sonunda Olivye Jirunu göndərməyə hazırlaşır.
"Qırmızı-qaralar" artıq ona alternativ də tapıb. "Milan" Fransanın "Lill" klubunda forma geyinən Conatan Davidi heyətinə qatmaq istəyir. Davidin özü də bu transferin baş tutmasına müsbət baxır. Ancaq o "Milan"ın yüksək məbləğdə transfer ödəməsini istəyir.
Qeyd edək ki, David bu mövsüm "Lill"in heyətində 42 oyunda 24 qol və 7 məhsuldar ötürmə ilə yadda qalıb.
//Nəzərbəy Hacıağayev, Strateji.az







