Makronun mum heykəli oğurlandı
Fransanın paytaxtı Parisdə inanılmaz olay yaşanıb. Strateji.az Türkiyənin "Hürriyət" qəzetinə istinadən xəbər verir ki, Prezident Emmanuel Makronun balmumundan hazırlanmış heykəli oğurlanıb.
Hadisə məşhur Grevin Muzeyində baş verib. Bu muzey Parisin 9-cu dairəsində yerləşir və tanınmış şəxslərin heykəlləri ilə tanınır.Səhər saatlarında muzeyə iki qadın və bir kişi daxil olub. Onlar Makronun heykəlini oğurlayıb aparıblar.Polis bildirir ki, şübhəlilər "Yaşıl sülh" təşkilatının üzvləridir. Muzeyə girdikdən sonra geyimlərini dəyişərək işçi kimi davranıblar. Heykəli örtüyə büküb, təcili çıxış qapısından çıxarıblar.
Hazırda hadisə ilə bağlı araşdırma aparılır.
//Şəfa Yusifzadə, Strateji.az







