"TikTok"un ABŞ-dəki gələcəyi Çin hökumətinin təsdiqindən asılıdır
Çin mənşəli "ByteDance" şirkətinə məxsus "TikTok"un ABŞ əməliyyatlarını almağa hazır olan zəngin şəxslərdən ibarət bir qrup tapılıb.
Strateji.az xəbər verir ki, ABŞ Prezidenti Donald Tramp onların kimliklərini iki həftə ərzində açıqlayacağını deyib.
Onun sözlərinə görə, bu əməliyyat Çin Prezidenti Şi Cinpinqin təsdiqini tələb edəcək.
Qeyd edək ki, "TikTok"un ABŞ-da fəaliyyətini davam etdirməsi üçün ByteDance ABŞ əməliyyatlarını satmalıdır; əks halda 2024-cü ildə qəbul edilən qanuna əsasən "TikTok" ABŞ-da qadağan olunacaq. Əvvəllər Microsoft, Oracle, MrBeast və Reddit-in həmtəsisçisi Alexis Ohanian kimi şirkət və şəxslər alıcı kimi göstərilmişdi. "ByteDance" isə "TikTok"un əsas texnologiyalarını satmağı rədd edir, buna görə yeni alıcıların bu şərtlərlə razılaşması vacibdir.
"TikTok"un ABŞ-dəki gələcəyi hələ qeyri-müəyyəndir və əməliyyat üçün Çin hökumətinin təsdiqi tələb olunur.
Şəfa Yusifzadə








