ABŞ-da təyyarənin qəzaya uğraması nəticəsində 4 nəfər həlak olub

ABŞ-ın Arizona ştatının Çinl hava limanı yaxınlığında təcili tibbi yardım təyyarəsinin qəzaya uğraması nəticəsində 4 nəfər həlak olub.
Strateji.az xəbər verir ki, bu barədə ştat polisi məlumat verib.
"Təxminən saat 12:40 radələrində Çinl hava limanı yaxınlığında kiçik qoşa mühərrikli təcili tibbi yardım təyyarəsi qəzaya uğrayaraq yanıb. Təyyarədə dörd nəfər olub və hamısının öldüyü təsdiqlənib", - press-relizdə deyilir.
Qeyd olunur ki, təyyarə xəstəni götürmək üçün xəstəxanaya gedirmiş.
Şəfa Yusifzadə







