Raman Saleydən Avropa çempionatında üçüncü medal
Para-üzgüçümüz Raman Saley Portuqaliyanın Madeyra şəhərində keçirilən Avropa Açıq Çempionatının dördüncü günündə 100 metr məsafəyə sərbəst üzmə üsulunda finalda finişə üçüncü çataraq bürünc medal qazanıb.
Qeyd edək ki, turnirin ilk günündə Raman Saley 100 metr məsafəyə arxası üstə üzmə üsulunda Avropa çempionu olub, ikinci günündə eyni məsafəyə kəpənək üzmə üsulunda gümüş medal qazanıb. Milli komandamızın digər üzvü Vəli İsrafilov isə yarışın üçüncü günündə Avropa çempionu olaraq növbəti dəfə Madeyrada himnimizi səsləndirib.