"Sabah" növbəti qələbəsini qazandı-YENİLƏNİB-3

 Azərbaycan Premyer Liqasının XXXII turu çərçivəsində keçirilən "Sabah"-"Səbail" oyunu başa çatdı. Gərgin keçən oyunda "Sabah" 2:0 qalib gəldi. Bu qələbə sayəsində "Sabah" müvəqqəti olaraq III pilləyə yüksəldi.

xxxx

"Sabah"-"Səbail" oyununda tərəflər fasiləyə yollandı. İlk hissədən sonra "Sabah" 2:0 hesabda irəlidədir.

xxxxx

Oyunun 39-cu dəqiqəsində Cessi Cekidika "Sabah"ın ikinci topuna imza atdı-"Sabah"-"Səbail"-2:0

xxxxx

Bu gün futbol üzrə Azərbaycan Premyer Liqasında XXXII tura start veriləcək. PFL bu günə bir qarşılaşma təyin edib.

Turun yeganə qarşılaşmasında "Sabah" "Bank Respublika Arena"da "Səbail"i qəbul edib. "Bayquşlar" avrokuboklara vəsiqə verən yerlər üçün mübarizə apardığına görə bu matdçan qalib ayrılmaq istəyir."Dənizçilər" Avrokuboklara vəsiqə verən yerlər uğurnda mübarizədən geri qalmamaq üçün bu matçdan üç xalla ayrılmağı düşünür. Hakim Elçin Məsiyevin idarə etdiyi qarşılaşmada artıq oyunun 22-ci dəqiqəsində "Sabah" Con İrasabalın qolu ilə hesabı açdı-"Sabah"-"Səbail"-1:0

Turun digər görüşləri Bazar günü və Bazar ertəsi günü keçiriləcək. Bazar günü üç qarşılaşma baş tutacaq.

Günün açılış oyununda "Qəbələ" "Qəbələ Şəhər Stadionun"da onun sadəcə bir pillə üstün olan qədim Gəncə təmsilçisi "Kəpəz"i qəbul edəcək. Meydan sahibləri Gürcüstanlı baş məşqçilərinin rəhbərliyi ilə ilk qələbələrini qazanmaq istəyir. Nizami Yurdunun təmsilçiləri isə bu oyunda növbəti qələbələrini qazanaraq 8 pillə uğrunda mübarizəni davam etdirmək istəyir.

Günün ikinci qarşılaşmasında "Neftçi" "Neftçi Arena"da "Turan Tovuz"u qəbul edəcək. "Ağ-qaralar" son günlərdə olan uğursuzluqları unutdurmaq, dördüncü pillədə yerini qorumaq və daha yüksək yerlər uğurunda mübarizə aparmaq üçün bu matçdan qalib ayrılmaq istəyir. Avrokuboklara vəsiqə verən yerlər uğrunda mübarizə aparan "Turan Tovuz" isə bu matçda növbəti qələbəsini qazanmaq istəyir.

Günün üçüncü qarşılaşmasında "Mehdi Hüseynzadə adına Sumqayıt şəhər stadionu"nda gənclik şəhər təmsilçisi "Sumqayıt" "Qarabağ"ı qəbul edəcək. "Sumqayıt" bu oyunda çempionluğu rəsmiləşdirmiş və motivasiyasız rəqibindən üç xal alaraq III pillədəki yerini qoruyub II pillə uğrunda mübarizə aparmaq istəyir. Növbəti mövsüm üçün oyun ritmini itirməmək istəməyən "köhlən atlar" növbəti qələbəsini qazanmaq üçün meydana çıxacaq.

Turun sonuncu görüşü Bazar ertəsi keçiriləcək. 

Bazar ertəsi günün yeganə turun sonuncu qarşılaşmasında "Zirə" "Zirə İdman Kompleksinin Stadionu"nda "Araz-Naxçıvan"ı qəbul edəcək. "Mavi qartallar" II pillədə olan yerlərini qorumaq üçün bu matçdan üç xalla ayrılmaq istəyirlər. "Araz-Naxçıvan" isə bu matçda ən azı məğlub olmamağa çalışacaq.