“Əlilliyə Erkən Yardım Portec Şəbəkəsi” İctimai Birliyi Tbilisidə ikinci mərhələ təlimində iştirak etdi
“Əlilliyə Erkən Yardım Portec Şəbəkəsi” İctimai Birliyinin nümayəndələri Gülnarə Pənahova və Emin Mehdizadə Gürcüstanın paytaxtı Tbilisi şəhərində keçirilən “Vətəndaş cəmiyyəti nümayəndələrinin bilik və bacarıqlarının artırılması” proqramının ikinci mərhələsində iştirak ediblər.
Proqram Almaniya Beynəlxalq Əməkdaşlıq Cəmiyyətinin (GIZ) maliyyə dəstəyi ilə Gürcüstanın Strateji Araşdırmalar və İnkişaf Mərkəzi (CSRDG) tərəfindən həyata keçirilib.
Təlim mövzusu
İkinci mərhələ “Resursların səfərbər olunması” mövzusuna həsr olunub. Burada iştirakçılar aşağıdakı istiqamətlər üzrə biliklərini dərinləşdiriblər:
maliyyə, insan və maddi resursların idarə olunması,
dayanıqlılıq üçün maliyyələşmə mexanizmləri,
QHT-lərin resurs cəlbetmə strategiyaları.
Bu mərhələdə də 3 günlük təlim və yerli QHT-lərə 1 günlük tanışlıq səfəri təşkil olunub.





