“Su Ehtiyatları və Onların Dayanıqlı İstifadəsi” mövzusunda onlayn seminar keçirilib
“Səyyahlar Təbii Sərvətlərin və Ətraf Mühitin Araşdırılması və Tanıdılması” İctimai Birliyi və Yevlax GİKM tərəfindən “Su Ehtiyatları və Onların Dayanıqlı İstifadəsi” mövzusunda onlayn seminar keçirilib. Seminar Zoom platforması üzərindən baş tutub və 100-dən çox şagird, tələbə və ekoloji fəalın iştirakı ilə gerçəkləşib.
Seminarın məqsədi iştirakçılara su ehtiyatlarının əhəmiyyəti, qlobal su çatışmazlığı, suyun düzgün idarə olunması və ekosistem üçün dəyəri barədə məlumat vermək olub.
Çıxış edən mütəxəssislər su ehtiyatlarının israfının qarşısının alınması üçün sadə, lakin effektiv gündəlik vərdişlər barədə tövsiyələr veriblər. Tədbirdə həmçinin Azərbaycanda su ehtiyatlarının vəziyyəti və dayanıqlı idarəetmə modeli də müzakirə edilib.
Seminarın sonunda iştirakçılar “Suya qənaət üçün 10 günlük fərdi öhdəlik” çağırışına qoşularaq, sosial mediada #SuyaDəyər ver həştəqi ilə maarifləndirici paylaşımlar ediblər.




