Səudiyyə Ərəbistanının tarixində ilk opera

 Səudiyyə Ərəbistanın vəliəhd şahzadəsi Məhəmməd ibn Salman ölkəsində hakimiyyətə gəldikdən sonra Səudiyyə Ərəbistanı bir çox sahələrdə inkişaf etməyə başladı. Strateji.az Türkiyənin "hürriyet" qəzetinə istinadən xəbər verir ki, onun gəlişindən sonra ölkədə bir çox sahələr inkişaf etdi , bir qadağalar aradan qalxdı.

Bu günlərdə isə Səudiyyə Ərəbistanın mədəniyyətində tarixi bir hadisə baş verib. Ölkənin paytaxtı Ər-Riyadda ilk opera sarayı istifadə verilib. 

Kral Fəhəd Mədəniyyət Mərkəzində nümayiş olunan “Zərqa Əl Yamama” operası İslamdan əvvəlki Ərəbistanda gələcəyi qabaqcadan görmək qabiliyyətinə malik bir qəbilə başçısının hekayəsindən bəhs edir. Əsərin ərəbcə sözlərini səudiyyəli şair Saleh Zamanan yazıb Əsərin bəstəkarı isə  avstraliyalı bəstəkar Li Bradşovadır. Operada baş rolu ifa edən britaniyalı sənətçi mezzo-soprano Dame Sarah Connolly ərəb dilində mahnı oxumaqdan çox narahat olduğunu və dil öyrənmək üçün aylarla çalışdığını bildirib. Doqquz əsas roldan üçünü xarici sənətkarlar ifa edib. Digər rolları isə ərəb sənətkarlar ifa edib.

//Aytən Əsgərova, Strateji.az