Suriya MN Dəməşqə raket hücumu barədə məlumat verib

Suriyanın paytaxtı Dəməşqin qərb məhəllələri mobil raket qurğusundan atəşə tutulub.
Strateji.az xəbər verir ki, bu barədə Suriyanın Müdafiə Nazirliyinin sözçüsü “X” hesabında məlumat verib.
"Raketlər Qasyon dağı yaxınlığındakı mobil platformadan atılıb. Hücumu hansı tərəflərin həyata keçirdiyini hələlik müəyyən etmək mümkün olmayıb. Müvafiq orqanlar hadisənin bütün hallarını araşdırmaq üçün çalışır və bütün detallar əldə edildikdə ictimaiyyətə məlumat veriləcək", - məlumatda deyilir.
Şəfa Yusifzadə







